Yoshua 22:22 - Baibuli Ekibono kya Katonda 2014

²² “Ow'amaani ni Katonda! Oyo ni Musengwa Katonda! Aidhi lwaki twakola ekyo era twenda mwena mukimanhe. Bwe tuba nga twadheema era nga tituli beesigwa eri Musengwa Katonda, mutwite tulobe kwongera kuba balamu.

Yoshua 22:22 ပူးပေါင်းရင်းမြစ်များ

1 Bakyabazinga 8:39

bawulirenga eyo y'oli mu igulu, era obasonighenga. Kiisi muntu omukoleranga ku bibye nga bw'agwaniire, kuba iwe wenka, niiwe oidhi emyoyo gy'abantu.

Yobu 10:7

Ate nga oidhi nga nze nziraku musango, era nga ghazira asobola kumponia n'antoola mu ngalo dho.”

Yobu 23:10

Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.

Yobu 31:22

Aye bwemba nga nakikola, eibega lyange ka liwogokeku, omukono gwange gukutukeku.

Zabbuli 136:2

Musiime Katonda owa bakatonda boonaboona; okugonza kwe tikukoma, kubaagho byanda na byanda.

Zabbuli 37:6

Aidha kwoleka nga bw'oziraku omusango, n'obutuufu bwo bumesunkane ng'endhuba ey'omu kasana ghagati.

Zabbuli 40:9

Naja mu bantu bo abeesoloiza okukusinza, naabakobera amawulire amalungi ag'okulokolwa. Wo Musengwa Katonda, nga bw'oidhi tija kulekera kugalangirira.

Zabbuli 44:21

Katonda waife oyo yandirobye okumanha, ate nga aidhi n'ebyama ebiri mu myoyo gyaife?

Zabbuli 44:22

Busa naire, kuba ku lulwo twitibwa omusana n'obwire; tuli ng'oti n'entaama edhija okwitibwa.

Zabbuli 50:1

Musengwa Katonda Aghanga Ebintu Byonabyona, ayogera ng'ayeta abantu boonaboona okuva endhuba y'eva okutuuka y'egwa.

Zabbuli 82:1

Katonda atyama mu kityamo kye mu lwekobaano olw'omu igulu; emisambwa gyesoloza yaagisalira omusango ati:

Zabbuli 95:3

kuba Musengwa Katonda ni Katonda mwene omukologho, era ni Kyabazinga omukologho asinga bakatonda ab'amaghanga agandi.

Zabbuli 97:7

Abo boonaboona abasinza ebitali Katonda, ni beesaaka olw'okwesiga ebifaananie obufaananie ebyo ebiziramu na muganhulo, baswazibwa; kuba ebyo byonabyona bimukubira amakiryaivu.

Okuvaayo 18:11

Buti ntegeire nga Musengwa Katonda wa maani okusinga bakatonda boonaboona, kuba yatoola abantu be mu ngalo edh'Abamisiri abaabeeyagalirangaku nga tibababonamu ka buntu.”

Yeremia 12:3

Wo Musengwa Katonda, aye iwe nze ondidhi bukalamu, oneekebeedha wambona nga bwe nfaanana. Kwekwebya abantu ababi abo obatoolegho, ng'oti n'omuntu bw'atwala entaama edh'okwita. Era obakuume okutuusa ng'ekiseera kyaibwe eky'okwitibwa kituuse.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Mika 7:9

Twakola ebibi eri Musengwa Katonda, kale tuli n'okugumira by'ali kutukola. Aye tikiidha kuba kiseera kireeyi, aidha kutuwolereza era atweye amaziga ge tulira olw'ebiinoino abazigu bye batukola. Aidha kutufulumya ku luya eri obutangaavu era twidha kubaagho atulokole nga tubona tuti.

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”

Yoanne 21:17

Kabiri Yesu yaamubuuza omukuzi ogwokusatu ati: “Simoni mutabane wa Yoanne, ongonza?” Petero yaanakughala olwa Yesu okumubuuza omukuzi ogwokusatu ati: “Ongonza?” Era yaamukoba ati: “Musengwa, oidhi byonabyona, oidhi nga nkugonza.” Yesu yaamukoba ati: “Liisanga entaama dhange.

Ebikolwa by'Abatume 1:24

Agho baasaba bati: “Musengwa, oidhi ebiri mu myoyo egy'abantu boonaboona, ku bano bombi tulage y'olonze,

Ebikolwa by'Abatume 25:11

Oba nga namenha eiteeka naakola ekintu kyonakyona ekingwaniza okwitibwa, tiroba kufa. Aye oba nga bye baanumiriza bya buguya, ghazira aghanga kumpaayo ye bali. Ndhulira ewa Kaisari.”

2 Ab'e Korintho 11:11

Kino nkyogera lwa kuba nga tibagonza? Katonda aidhi nga mbagonza.

2 Ab'e Korintho 11:31

Katonda era Lata wa Musengwa waife Yesu, asaakibwa ebyanda n'ebyanda, aidhi nga tiri kuguya.

2 Ab'e Korintho 5:11

Nga bwe twidhi nga kituufu okutya Musengwa, abantu tugezaaku okubaghangula. Katonda atwidhi bukalamu era ndhuuba nga mu myoyo gyaimwe mwena mutwidhi bukalamu.

Amateeka Agokubiri 10:17

kuba Musengwa Katonda waimwe, ni Katonda afuga bakatonda boonaboona, era ni Musengwa Katonda afuga basengwa boonaboona. Musengwa Katonda oyo, n'omukologho era ow'amaani ali n'okutiibwa. Tasaliriza era talya nguzi.

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

Yoshua 22:21

Agho Abareubeni, n'Abagadi, n'ekitundu ku Bamanasse, bairamu abakulu ab'ebika bire ebindi eby'e bugwandhuba bati:

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

1 Samueli 15:23

Obudheemu kuba kukola kibi ng'oti n'okweraguza bwe kuba, n'okwekuluntaza kuba kukola kibi ng'oti n'okusinza ebitali Katonda bwe kuba. Nga bwe waloba okukola Musengwa Katonda kye yakulagira, Musengwa Katonda yeena alobye okukuleka ku bwakyabazinga.”

1 Samueli 2:3

Mulekere agho okwogera nga mwesuuta, mukomye ebibono eby'okwesaaka; kuba Musengwa Katonda ni Katonda aidhwire okumanha, era alamula ebikolwa eby'abantu.