Yoshua 22:16 - Baibuli Ekibono kya Katonda 2014

¹⁶ Agho boonaboona baabakoba bati: “Tuli kwogera mu liina ly'abantu ba Musengwa Katonda boonaboona tuti, lwaki mukoze ekintu kino ekibi Katonda wa Isiraeli ky'atenda? Okuzimba alutaari eno kitegeeza muli kudheemera Musengwa Katonda, mwalekera agho okukola by'ayenda.

Yoshua 22:16 ပူးပေါင်းရင်းမြစ်များ

Ezera 8:22

Ensoni dhangema okusaba kyabazinga atughe ekikunsu eky'abaisirukale ab'oku bigere n'ab'oku mbalaasi okutugherekera nga batukuuma tuwone abazigu mu ngira, kuba nali mmaze okumukoba nti: “Katonda waife agha enkabi kiisi amwesiga, aye yaasungughalira era yaabonereza kiisi amuvaaku.”

Abalevi 17:8

“Era bakobe oti, ‘Omuisiraeli oba omusenze yeenayeena eyasenga mu Isiraeli, bw'anaaghangayo ekigheebwayo ekyokebwa oba omusengo,

Okubala 32:15

Imwe ab'ekika kya Reubeni n'ab'ekya Gadi, bwe munaakyuka ni muloba okujiira ku bya Musengwa Katonda, Musengwa yeena kabiri aidha kulekulira agho abantu bano mu irungu, olwo mube nga niimwe omubaleeteire boonaboona okuzikirira.”

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Yoshua 22:11

Abaisiraeli bale abandi baakoberwa bati: “Muwulire! Abareubeni, n'Abagadi, n'Abamanasse ab'e buvandhuba, baazimba alutaari e Gelilothi ku luuyi olwaife olwa Yorudani!”

Yoshua 22:15

Baatuuka e Gileadi eri Abareubeni, n'Abagadi, n'ekitundu ku Bamanasse ab'e Buvandhuba.

1 Samueli 15:11

“Neidhwisa okuba nga nafuula Saulo kyabazinga, kuba anviireku yaalekera agho okuwulira ebiragiro byange.” Agho Samueli yaasungughala, obwire bwonabwona yaasula nga yeegayirira Musengwa Katonda.