Yoshua 22:11 - Baibuli Ekibono kya Katonda 2014

¹¹ Abaisiraeli bale abandi baakoberwa bati: “Muwulire! Abareubeni, n'Abagadi, n'Abamanasse ab'e buvandhuba, baazimba alutaari e Gelilothi ku luuyi olwaife olwa Yorudani!”

Yoshua 22:11 ပူးပေါင်းရင်းမြစ်များ

Yoanne 1:28

Bino byali Bethania, ng'osomoike omwiga Yorudani, Yoanne ye yali abatiriza.

Yoanne 20:1

Mu nkyonkyo, ku lunaku olwiririra Sabbato, era nga n'enzikiiza ekaaliku, Maria Magadalene yaawuuna ku magombe, yaabona ng'eibaale litooleibwagho ku magombe.

Yoanne 20:12

Yaabona bamalaika babiri nga bavaire ebyeru nga batyaime aghaali ghateereibwa omulambo gwa Yesu, ng'owundi ali emintwetwe ate ng'owundi ali y'ebigere.

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Yoshua 2:7

Kale abasaadha abaava ew'omukulu w'ekibuga baafuluma okuva mu kibuga, era olwafuluma bati omulyango ogw'ekibuga gwaigalwa. Baaja nga baagala abakeesi Abaisiraeli okutuukiza irala mu kifo omwiga Yorudani ghe gusomokerwa.

Yoshua 22:10

Ab'ekika eky'Abareubeni, n'eky'Abagadi, n'eky'Abamanasse ab'e buvandhuba bwe baatuuka e Gelilothi, nga bakaali e bugwandhuba wa Yorudani, baazimba alutaari enkologho agho kumpi n'omwiga Yorudani.

Yoshua 22:16

Agho boonaboona baabakoba bati: “Tuli kwogera mu liina ly'abantu ba Musengwa Katonda boonaboona tuti, lwaki mukoze ekintu kino ekibi Katonda wa Isiraeli ky'atenda? Okuzimba alutaari eno kitegeeza muli kudheemera Musengwa Katonda, mwalekera agho okukola by'ayenda.

Yoshua 22:19

“Ekiketezo kyaimwe bwe kiba nga tiikirongoofu, nga timusobola kusinzizaamu Musengwa Katonda, mwidhe eno eri Weema ey'Okwagaananirangamu ni Musengwa Katonda. Mwidhe mufune eno ye tuli obutaka, aye mutadheemera Musengwa Katonda oba okutufuula twenatwena abadheemu nga muzimbayo alutaari eyindi ate nga eya Musengwa Katonda waife erigho.

Abalamuzi 12:5

Agho Abagileadi baagema ebifo byonabyona omwiga Yorudani ghe gusomokerwa, nga benda okulobera Abaefuraimu okulumuka. Era kiisi Muefuraimu eyagezangaku okulumuka, bwe yaidhanga n'asaba bamuganhe okusomoka, nga bamubuuza bati: “Oli Muefuraimu?” Bwe yairangamu ati: “Busa”,