Yoshua 21:45 - Baibuli Ekibono kya Katonda 2014

⁴⁵ Musengwa Katonda yaatuukiriza kiisi kyonakyona kye yasuubiza okukolera Abaisiraeli.

Yoshua 21:45 ပူးပေါင်းရင်းမြစ်များ

1 Bakyabazinga 8:15

Yaabakoba ati: “Musaake Musengwa Katonda wa Isiraeli, atuukiriiza kye yasuubiza lata wange Daudi, bwe yakoba ati,

1 Bakyabazinga 8:20

“Mpegaano Musengwa Katonda atuukiriiza kye yasuubiza, kuba nze nsikiire lata wange Daudi, n'atyama ku kityamo eky'obwakyabazinga bwa Isiraeli nga Musengwa Katonda bweyasuubiza. Era nzimbiire Musengwa Katonda wa Isiraeli oyo eisinzizo,

1 Bakyabazinga 8:24

Wakuuma ekyo kye wasuubiza omugheereza wo, lata wange Daudi. Bwenebwene wakimusuubiza iwe mwene, era olwaleero okituukiriiza.

1 Bakyabazinga 8:56

“Musengwa Katonda asaakibwe, oyo aghaire abantu be Abaisiraeli emiraala nga bwe yasuubiza. Ghaziragho waire ekintu ekirala kiti ky'atatuukiriiza, ku birungi bye yasuubiza ng'abita mu Musa omugheereza we.

Nehemia 9:8

Wamubona ng'omwoyo gwe mwesigwa y'oli, waakola naye endagaano. Waasuubiza okugha baidhukulu be, ensi ey'Abakanaani, n'Abahitti, n'Abamori, n'Abaperizzi, n'Abayebusi, n'Abagirigashi. Era waatuukiriza kye wasuubiza, kuba oli mutukuvu.

Isaia 48:3

Musengwa Katonda oyo akoba Isiraeli ati: “Okuva eira n'eira, nze nabakoberanga ebiribaagho, era mwene nze naamalanga naabireetera okubaagho amangu geene, byatuukiriranga.

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

1 Ab'e Korintho 1:9

Katonda mwesigwa, oyo eyabeeta okwisa ekirala n'Omwana we Yesu Kurisito Musengwa waife.

1 Ab'e Thessalonika 5:24

Oyo abeeta aidha kukikola kuba yeesigibwa.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.