Yoshua 21:44 - Baibuli Ekibono kya Katonda 2014

⁴⁴ Musengwa Katonda yaabagha emiraala woonawoona mu kiketezo ekyo, era nga bwe yasuubiza badhaadha baibwe. Ku bazigu baibwe nga ghazira waire mulala ati asobola okubeegezaamu, kuba Musengwa Katonda ng'asobozesa Abaisiraeli okughangula abazigu baibwe abo boonaboona.

Yoshua 21:44 ပူးပေါင်းရင်းမြစ်များ

2 Ebyomubyanda 13:16

Abaisiraeli baalumuka Abayudaaya, Katonda yaaleetera Abayudaaya okughangula Abaisiraeli abo.

Okuvaayo 23:31

Nja kutaagho ensalosalo yaimwe eve ku Nhandha Emyufu okutuuka ku nhandha ey'ab'e Filisitia era eve ku irungu etuuke ku mwiga Eufurate. Abantu abo ababa mu biketezo ebyo nja kubata mu ngalo dhaimwe, era mwidha kujanga nga mubabingagho nga bwe munaajanga nga museetayo.

Okuvaayo 33:14

Musengwa Katonda yaamwiramu ati: “Kale nze ndidha kuja n'iwe era ndidha kukuganha okuwuumula”

Isaia 63:14

Omwoyo gwa Musengwa Katonda gwagha abantu ba Musengwa Katonda oyo okuwuumula, baaba ng'oti n'ente edhitwaliibwa mu kiiko ekigimu. Kale Musengwa Katonda atyo yaabakulemberamu era yaaleetera eriina lye okugheebwanga ekitiisa.

Amateeka Agokubiri 2:36

Okuva ku Aroeri ekiri ku mugo ogw'ekiiko Arunoni, n'ekibuga ekiri mu kiiko ekyo mwene, okutuukira irala e Gileadi, ghazira kibuga kyatulema lwa bugulumivu bwa bimante bigumu ebikyezungulwire. Byonabyona Musengwa Katonda waife yabitugha twabinhaga.

Amateeka Agokubiri 21:10

Musa yaakoba Abaisiraeli ati: “Bwe munaajanga mu lutalo okulwana, Musengwa Katonda waimwe n'abata abazigu baimwe mu ngalo ni mubaghangula, era ni mubatwala nga basibe,

Abaheburayi 4:9

Kale ni abantu ba Katonda bakaaliyo n'okuwuumula ng'okwa Katonda okw'olunaku olwomusanvu.

Yoshua 1:13

“Mwidhukire, nga Musa eyali omugheereza wa Musengwa Katonda yabakobera ati Musengwa Katonda waimwe yabasuubiza okubagha ekiketezo kino eky'e buvandhuba ew'omwiga Yorudani kibe obutaka bwaimwe.

Yoshua 1:15

okutuusa boona lwe balitwala ekiketezo kyaibwe eky'e bugwandhuba ew'omwiga Yorudani, Musengwa Katonda waibwe ky'ali kubagha. Musengwa Katonda bw'aligha ebika byonabyona eby'Abaisiraeli okutyama ni bitereera mu biketezo byabyo, olwo mwena muliira mwatyama ghano mu kiketezo kyaimwe Musa omugheereza wa Musengwa Katonda kye yabagha.”

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yoshua 11:12

Yoshua yaagema ebibuga eby'omu kiketezo ekyo byonabyona, yaita bakyabazinga baamu n'abantu baibwe boonaboona, nga Musa omugheereza wa Musengwa Katonda bwe yalagira.

Yoshua 11:23

Kale atyo Yoshua bwe yanhaga ekiketezo ekyo kyonakyona eky'ensi, nga Musengwa Katonda bwe yalagira Musa. Yoshua yaamala yaakigabaniamu mu Baisiraeli boonaboona, buli kika nga kifunaku aghaakyo. Agho abantu baalekera okulwana entalo baafunaku emiraala.

Yoshua 11:8

Musengwa Katonda yaagha Isiraeli obughanguzi, baabingirira abazigu baibwe baabalwanisa okubatuukiza irala mu kibuga Sidoni Ekikologho n'e Misirefothi Maimu ku luuyi olw'omukono omugooda ng'olingiriire e buvandhuba. Era baababingirira n'okubatuukiza irala mu kiiko eky'e Mizipa ku luuyi olw'e buvandhuba. Baaja nga babalwanisa okutuusa lwe baabamalagho okubaita.

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 22:4

Buti Musengwa Katonda oyo Katonda waimwe, aghaire Baisiraeli banaimwe abo emiraala nga bwe yabasuubiza. Kale, mwireyo mu maka gaimwe, mu kiketezo kye mwamala okutwala nga buti kyaimwe, e buvandhuba wa Yorudani, Musa omugheereza wa Musengwa Katonda kye yabagha.

Yoshua 22:9

Kale batyo Abareubeni, n'Abagadi, n'ekitundu ku Bamanasse, baaleka ebika ebindi nga bikaali e Shilo mu Kanaani, bairayo ewaibwe e Gileadi mu kiketezo kye baafuna beene ng'obutaka bwaibwe, nga Musengwa Katonda bwe yalagira ng'abita mu Musa.

Yoshua 23:1

Nga ghabiseegho ekiseera kireeyi inho, era nga Musengwa Katonda amaze okugha Abaisiraeli emiraala, nga baliraanwa baibwe ti bakaabalumba, Yoshua yali akairiighe inho.