Yoshua 21:43 - Baibuli Ekibono kya Katonda 2014

⁴³ Kale Musengwa Katonda yaagha Abaisiraeli ekiketezo kyonakyona kye yasuubiza okugha badhaadha baibwe. Era bwe baakifuna baakityamamu baatereera.

Yoshua 21:43 ပူးပေါင်းရင်းမြစ်များ

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 13:15

Ensi eyo yoonayoona y'oli kubona ndidha kugikugha iwe ni baidhukulu bo, ebe yaimwe ebyanda n'ebyanda.

Amainhama 28:4

Era akughe enkabi iwe ni baidhukulu bo nga dhe yagha Aburahamu, mutwale ensi eno y'obairemu ng'omusenze ebe yaimwe, ensi Katonda ye yagha Aburahamu oyo.”

2 Ebyomubyanda 20:8

Era bagibairemu baakuzimbira n'eisinzizo ery'okukusinzizangamu, nga bakoba bati,

Nehemia 9:24

Kale abaidhukulu abo bangira mu nsi eyo, baagitwala yaaba yaibwe ku bwaibwe. Waabaghangulira Abakanaani abaali abatyamye baamu. Bakyabazinga Abakanaani n'abantu baibwe, waabata mu ngalo dh'abaidhukulu abo, okubakola kye benda.

Nehemia 9:8

Wamubona ng'omwoyo gwe mwesigwa y'oli, waakola naye endagaano. Waasuubiza okugha baidhukulu be, ensi ey'Abakanaani, n'Abahitti, n'Abamori, n'Abaperizzi, n'Abayebusi, n'Abagirigashi. Era waatuukiriza kye wasuubiza, kuba oli mutukuvu.

Zabbuli 105:8

Akuuma endagaano ebyanda n'ebyanda, yaagumira ku bye yasuubiza ni bweghabitagho ense olukumi.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Yeremia 32:23

Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Okubala 33:53

Mwidha kutwala ensi eyo mugibeemu, kuba ngibaghaire ebe yaimwe.

Okubala 34:2

akobe Abaisiraeli ati: “Bwemulingira mu nsi Kanaani, ensi ye ndi kubagha ebe obutaka bwaimwe, ensalosalo dhaayo dhija kuba dhiti:

Amateeka Agokubiri 11:31

Muli kumpi okusomoka omwiga Yorudani, okwingira okutwala ensi Musengwa Katonda waimwe y'ali kubagha. Bwe muligitwala ni mugibaamu,

Amateeka Agokubiri 12:29

Musa yaakoba Abaisiraeli ati: “Musengwa Katonda waimwe aidha kuzikirizanga abantu abali mu maghanga ge muli kumpi okwingiramu okutwala. Era mwidhanga kugatwala mubenga omwo.

Amateeka Agokubiri 17:14

Musa yaakoba Abaisiraeli ati: “Bwe mulimala okutuuka mu nsi Musengwa Katonda waimwe y'aja okubagha, ni mugitwala era ni mu gityamamu, kisoboka okuba nga mulyetaaga okutaagho kyabazinga abafuge ng'oti n'amaghanga agandi goonagoona agaliba nga gabeezungulwire.

Amateeka Agokubiri 34:4

Agho Musengwa Katonda yaakoba Musa ati: “Eyo n'ensi ye nasuubiza Aburahamu, ni Isaaka, ni Yakobo, nti ndigigha baidhukulu baibwe. Nkuganhie waagibonaku bubone, aye toidha kusomoka kujaayo.”

Yoshua 1:6

Banga mumalirivu era atatya. Niiwe oja okukulemberamu abantu bano obaleetere okutwala ensi ye nabasuubiza okubagha nga mbita mu badhaadha baibwe.

Yoshua 21:42

Ebibuga bino buli kirala nga kyezungulwirwa ekiketezo omuli eisubi ery'okwayirangamu.

Abalamuzi 11:24

Iwe twala ebyo byonabyona omusambwa gwo Kemoshi, bye gukugha okuba ebibyo. Aye ife twidha kutwala ebyo byonabyona Musengwa Katonda waife by'atoola ku bandi n'atugha.

1 Samueli 12:8

Yakobo bwe yaja e Misiri n'ab'endhu ye, memale Abamisiri ni babatuntuza, badhaadha baimwe abo baalirira Musengwa Katonda. Era Musengwa Katonda yaatuma Musa ni Aaroni, baatoola badhaadha baimwe abo e Misiri, baabaleeta okuba mu nsi eno.