Yoshua 20:8 - Baibuli Ekibono kya Katonda 2014

⁸ E buvandhuba wa Yorudani mu museetwe ogw'eirungu, era eyo nga n'e buvandhuba wa Yeriko, baalondayo Bezera mu kiketezo ekya Reubeni. Mu Gileadi baalondayo Ramothi eky'omu kika kya Gadi. Mu Bashani ekiketezo kya Manasse baalondayo Golani.

Yoshua 20:8 ပူးပေါင်းရင်းမြစ်များ

1 Bakyabazinga 22:6

Agho kyabazinga wa Isiraeli yaasoloza abalanzi ng'ebikumi bina, yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

2 Bakyabazinga 8:28

Kyabazinga Ahazia oyo yaja mu lutalo ni kyabazinga Yoramu owa Isiraeli mutabane wa Ahabu, okulwanisa kyabazinga Hazaeli owa Siria. Olutalo olwo lwataamira e Ramothi Gileadi, Abasiria baafumitira eyo Yoramu ebibwa.

1 Ebyomubyanda 6:78

Ku bibuga eby'ekika kya Reubeni e buvandhuba w'omwiga Yorudani, baabaghaaku ebibuga bino: Bezeri eky'oku museetwe, ghalala n'ebyayiro byakyo; Yahaza, ghalala n'ebyayiro byakyo;

1 Ebyomubyanda 6:80

Ku bibuga eby'ekika kya Gadi baabaghaaku ebibuga bino: Ramothi eky'omu Gileadi, ghalala n'ebyayiro byakyo; Mahanaimu, ghalala n'ebyayiro byakyo;

Amateeka Agokubiri 3:10

Twanhaga ekiketezo kyonakyona eky'obwakyabazinga bwa Ogi ow'e Bashani: ebibuga byonabyona eby'oku museetwe, n'ebiketezo byonabyona ebya Gileadi n'ebya Bashani, okutuukira irala e Saleka n'Edurei.”

Amateeka Agokubiri 4:43

Ab'ekika kya Reubeni baafuna Bezeri eky'oku museetwe mu irungu. Ab'ekika kya Gadi baafuna Ramothi eky'omu kiketezo ky'e Gileadi. Ate ab'ekika kya Manasse baafuna Golani eky'omu kiketezo ky'e Bashani.

Yoshua 20:7

Kale e bugwandhuba wa Yorudani baalondayo Kedeshi eky'e Galilaaya, mu kiketezo eky'ensozi ekya Nafutali ate mu kiketezo eky'ensozi ekya Efuraimu baalondayo Shekemu. Mu kiketezo eky'ensozi ekya Yuda baalondayo Kiriathi Araba, ekyo nga ni Heburoni.

Yoshua 20:9

Ebyo nga n'ebibuga omuntu mw'asobola okulumukira, ebyalondebwa olw'abantu boonaboona Abaisiraeli era n'olw'omuntu omusenze yeenayeena, kasita yabanga ng'aba mu Isiraeli. Ole yeenayeena eyaitanga omuntu aye nga tagendereire, ng'aghanga okulumukira mu kindi ku bibuga ebyo era yaawona mwene muntu y'aise. Era nga taitibwa okutoolaku ng'amaze okusalirwa omusango ng'abantu beesoloiza.

Yoshua 21:27

Abalevi abandi abaagheebwa ebibuga, n'abo abaava mu nda ya Gereshoni, era bano baafuna ebibuga bibiri okuva ku kiketezo eky'Abamanasse ab'e buvandhuba nga ni bino: Golani eky'omu Bashani era nga n'ekirala ku ebyo ebyalondebwa okulumukirangamu ole aise omuntu nga tagendereire, ni Beeshitera, era n'ebiketezo ebibyezungulwire omuli eisubi ery'okwayirangamu.

Yoshua 21:36

Era baafuna ebibuga bina okuva ku kiketezo eky'Abareubeni, nga ni bino: Bezeri, Yahazi,

Yoshua 21:38

Era baafuna ebibuga ebindi bina okuva ku kiketezo eky'Abagadi, nga ni bino: Ramothi eky'omu Gileadi, ekindi ku ebyo ebyalondebwa okulumukirangamu ole aise omuntu nga tagendereire, ni Mahanaimu,