Yoshua 2:24 - Baibuli Ekibono kya Katonda 2014

²⁴ Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 2:24 ပူးပေါင်းရင်းမြစ်များ

Okuvaayo 15:15

Ab'obuyinza ab'omu Edomu baatya inho; abafuzi ab'omu Moabu baatengera; abantu ab'omu Kanaani baazirika.

Okuvaayo 23:31

Nja kutaagho ensalosalo yaimwe eve ku Nhandha Emyufu okutuuka ku nhandha ey'ab'e Filisitia era eve ku irungu etuuke ku mwiga Eufurate. Abantu abo ababa mu biketezo ebyo nja kubata mu ngalo dhaimwe, era mwidha kujanga nga mubabingagho nga bwe munaajanga nga museetayo.

Ensambo 25:13

Omukwenda omwesigwa aizaamu amaani abo abaamutuma, ng'oti n'amaadhi ag'okunhwa amainhogovu bwe gaghegheeza abaganhwa mu kasana mu biseera eby'okukungula.

Yoshua 1:8

Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.

Yoshua 2:23

Olwo abakeesi bombi baava mu nsozi, baasomoka Yorudani, bairayo ye Yoshua baamukobera byonabyona bye baabitamu.

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.

Yoshua 6:2

Musengwa Katonda yaakoba Yoshua ati: “Ekibuga Yeriko nkikutaire mu ngalo, ni kyabazinga wamu, n'abalwani baamu ab'amaani.

Yoshua 8:1

Musengwa Katonda yaakoba Yoshua ati: “Lekera agho okutya n'okuwaamu amaani. Situkiramu n'abasaadha bo abalwani boonaboona, muje mulumbe Ayi. Kuba bona eno, mmaze okukuta mu ngalo kyabazinga wa Ayi n'abantu be, n'ekibuga, n'ensi ye.

Abalamuzi 1:2

Musengwa Katonda yairamu ati: “Ekika kya Yuda n'ekibe kisooke okuja. Nkighaire okufuga ensi eyo.”

Abalamuzi 18:10

Bwe munaatuukayo, mwidha kwagaana abantu abatasuubira muntu yeenayeena kubalumba naire. Ensi eyo ngazi, era erimu buli kintu omuntu kye yeetaaga. Bwenebwene, Katonda agibaghaire mugighangule.”

Abalamuzi 7:9

Mu bwire obwo, Musengwa Katonda yaakoba Gideoni ati: “Situka, oje olumbe Abamidia mu weema dhaibwe mbakughaire obaghangule.