Yoshua 2:19 - Baibuli Ekibono kya Katonda 2014

¹⁹ Omuntu yeenayeena alifuluma okuva mu ndhu yo n'aitirwa eyo mu nguudo edh'ekibuga, omusango guliba gugwe ti gwaife, aye ye baligemaku ng'ali mu ndhu yo muno, ogwo omusango guliba gwaife.

Yoshua 2:19 ပူးပေါင်းရင်းမြစ်များ

2 Samueli 1:16

Daudi yaakoba Omuamaleki oyo ati: “Niiwe mwene oweereeteire okufa, kuba omunwa gwo gwene n'ogughaire obudhulizi obukulumiriiza, ng'okoba oti, ‘Naita omuntu wa Musengwa Katonda eyasiigibwa omuzigo.’ ”

2 Samueli 4:11

Memale obwo imwe abantu ababi mutyo, abajiire ni mwita Ishiboshethi omuntu aziraku musango mu buliri bwe, mudhuuba muti tiibavunaane kusingagho ni mbazikiriza kuva ku nsi?”

1 Bakyabazinga 2:32

Musengwa Katonda aidha kumubonereza ng'amulanga ebikolwa bye eby'ekitemo, kuba yaita abasaadha babiri nga lata wange Daudi taidhi. Abasaadha abo baali batuufu era nga bali n'ebisaanizo okumusinga, era nga ni bano: Abuneri mutabane wa Neri era omuduumizi w'eigye lya Isiraeli, ni Amasa mutabane wa Yetheri era omuduumizi w'eigye lya Buyudaaya.

Okuvaayo 12:13

Aye imwe, omusaayi gwe munaasiiga ku myango, n'akanaaba akamanhiso akooleka endhu dhe mulimu. Bwe nnaabonanga omusaayi, ndidha kubabitizanga. Era ezira kibamba kiribagwaku kubazikiriza lwe ndikuba Misiri.

Okuvaayo 12:22

Bw'amala atoole akasaga ak'akati akeetebwa hissopu akainhike mu musaayi ogw'ensolo eyo nga guli mu kibya, agusiige ku myango egy'omulyango ogw'endhu ye ku gy'omu mbali gyombi ni ku gwa ghaigulu. Era ghatabaagho afuluma kuva mu ndhu ye okutuusa nga bukyeire,

Okuvaayo 12:23

kuba Musengwa Katonda aja kubita mu Misiri ng'aita abaana abalenzi ababeri ab'Abamisiri. Kale bw'anaabonanga omusaayi ku myango, aidha kubitizanga omulyango ogwo alobe kuganha lumbe kwingira mu ndhu dhaimwe kubaitaku baana baimwe.

Abalevi 20:11

Omusaadha bw'anaabanga n'owundi ku baka ise mu buliri, anaabanga ng'awemwire ise. Era bombi, omusaadha oyo n'omukazi, banaitibwanga. Beene n'abanaabanga nga beereeteire okwitibwa.

Abalevi 20:9

“Kiisi anaakolimiranga ise oba inhina, anaitibwanga mwene n'anaabanga nga yeereeteire okwitibwa.

Matayo 24:17

Oyo aliba ghaigulu ku ndhu ataikanga kutoola mu ndhu ye bibye.

Ebikolwa by'Abatume 18:6

Bwe baamutakania ni bamuvuma, yaakunkumula ebivaalo bye yaakoba ati: “Bwe mulizikirira ogwo musango gwaimwe. Nze nziraku musango. Okuva ni buti ndidha kuja y'abamaghanga agandi.”

Ebikolwa by'Abatume 20:26

Kyenva mbakakasa olwaleero nti bweghabaagho alizikirira, tiguliba musango gwange.

Ebikolwa by'Abatume 27:31

Paulo yaakoba omukulu ow'abaisirukale n'abaisirukale, ati: “Okutoolaku ng'abasaadha bano basigala mu lyato, imwe timwidha kuwona.”

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Yoshua 2:12

Agho ni mundayirire mu liina lya Musengwa Katonda oyo muti mulibisa bukalamu, ab'endhu ya lata wange, ng'oti ninze bwembabisiisa obukalamu. Era mbasaba mumpe akamanhiso akakakafu.

Yoshua 2:14

Abakeesi baamukoba bati: “Musengwa Katonda atwalanga obulamu bwaife bwemufanga. Bw'otalikoberaku bandi ku bye tuli kukola, twidha kuba beesigwa y'oli era tukubise bukalamu, nga Musengwa Katonda atughaire ensi eno.”

Yoshua 2:20

Aye bye tuli kukola bw'olibikobera abantu, agho ghaliba ghazira kiritukaka kukuuma kirayiro ky'otulayiiza.”