Yoshua 2:18 - Baibuli Ekibono kya Katonda 2014

¹⁸ Era ka tukugalagire ky'olikola: bwe tulingira mu nsi yaimwe, osibanga akawuuzi kano ak'olugoye lw'erangi ya kasaayisaayi mu dinisa eno y'oja okutwikizaamu. Era osololezanga ghano lata wo, n'inhoko, ni baanhoko, n'abantu boonaboona ab'omu ndhu ya lata wo, mwaba ghalala mu ndhu yo.

Yoshua 2:18 ပူးပေါင်းရင်းမြစ်များ

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 7:1

Agho Musengwa Katonda yaakoba Noa ati: “Ingira mu lyato n'ab'omu ndhu yo boonaboona, kuba mboine nga niiwe omuntu omutuufu wenka mu bantu ab'oluse luno boonaboona.

Okuvaayo 12:13

Aye imwe, omusaayi gwe munaasiiga ku myango, n'akanaaba akamanhiso akooleka endhu dhe mulimu. Bwe nnaabonanga omusaayi, ndidha kubabitizanga. Era ezira kibamba kiribagwaku kubazikiriza lwe ndikuba Misiri.

Olwembo 4:3

Omunwa gwo guli ng'oti n'ewuuzi ey'olugoye olw'ekitiibwa olwa langi ya kasaayisaayi. Bwe gwogera gusanhusa. Amatama go nga gali mu kitambaala kyo kye weeghembereire, gaboneka bulungi ng'oti kibala kya ku mukomamawanga, kye basazeemu aghabiri.

Abalevi 14:4

kabona oyo aidha kulagiranga okuleeta enhonhi ibiri enamu era enongoofu, n'omuti oguwunha akawoowo, n'oluwuuzi olw'olugoye olw'erangi ya kasaayisaayi, n'akati akeetebwa hissopu.

Okubala 19:6

Kabona aidha kutoola omuti oguwunha akawoowo, n'akati akeetebwa hissopu, n'oluwuuzi olw'olugoye olw'erangi ya kasaayisaayi, abisuule ku nte eri kwokebwa.

Okubala 4:8

Ebyo byonabyona baidha kubighembangaku olugoye olwa kasaayisaayi era bate ku ngulu kwalwo ekintu ekyakolebwa mu mawu ag'embuzi, memale bate ku meeza eyo emiti gyayo egy'okugibbeedesa.

Luka 19:9

Yesu yaamukoba ati: “Olwaleero okulokoka kutuuse ku ndhu eno, kuba ono yeena mwidhukulu wa Aburahamu.

Ebikolwa by'Abatume 10:27

Petero ni Korunelio bangira nga baja bwe boogera. Yaayagaana abantu kamaala nga beesoloiza.

Ebikolwa by'Abatume 10:33

Agho ni n'okukutumira mangu ago, era okoze bukalamu okwidha. Kale mperaano twenatwena tuli ghano mu maiso ga Katonda, okuwulira byonabyona Musengwa by'akulagiire.”

Ebikolwa by'Abatume 11:14

akukobere ebibono ebinaakulokola iwe n'ab'enhumba yo boonaboona.’

2 Timotheo 1:16

Aye nsaba, Musengwa ayoleke ab'omu ndhu ya Onesiforo okusaasira, kuba emikuzi kamaala ng'andhizaamu amaani nga nze okuba mu ikomera ti kimugemya nsoni.

Abaheburayi 9:19

Musa bwe yamala okukobera abantu ebiragiro byonabyona ebiri mu Mateeka, yatoola omusaayi ogw'ente ento n'ogw'embuzi, ghalala n'amaadhi, n'obuviiri bw'entaama obwa kasaayisaayi, n'akati akeetebwa hissopu, yaamansira ku kitabo ni ku bantu boonaboona,

Yoshua 2:21

Agho yaabakoba ati: “Ndidha kukola nga bwe munkobye.” Yaabasiibula baaja. Era nga bamaze okuja, yaasiba akawuuzi kale ak'olugoye lw'erangi ya kasaayisaayi mu dinisa.

Yoshua 6:23

Kale baaja baatoolayo Rahabu n'ise, n'inhina, ni baanhina, n'abantu be boonaboona. Baabatoolayo boonaboona baabaleeta kumpi n'Abaisiraeli ghe baasimba weema dhaibwe, bawone akabi.

Yoshua 6:25

Aye Yoshua yaawonia Rahabu, n'ab'endhu ya ise, n'ab'ekika kye abandi boonaboona, baaloba kwitibwa. Ni ye buli eno Rahabu akaali mu Isiraeli kuba yakweka abakwenda Yoshua be yatuma okukeeta Yeriko.