Yoshua 2:14 - Baibuli Ekibono kya Katonda 2014

¹⁴ Abakeesi baamukoba bati: “Musengwa Katonda atwalanga obulamu bwaife bwemufanga. Bw'otalikoberaku bandi ku bye tuli kukola, twidha kuba beesigwa y'oli era tukubise bukalamu, nga Musengwa Katonda atughaire ensi eno.”

Yoshua 2:14 ပူးပေါင်းရင်းမြစ်များ

Amainhama 24:49

Kale mpegaano munkobere oba nga munaayoleka obwesigwa eri musengwa wange. Oba nga timuukole mutyo era munkobere, memale nsalegho eky'okukola.”

Amainhama 47:29

Isiraeli bweyali ng'anaatera okufa, yaayeta omwana we Yosefu, yaamukoba ati: “Ngemerwa ekivunika, oleete omukono gwo okakase by'oja okulayira: layira oti tolinziika mu Misiri.

2 Samueli 2:5

Daudi yaagheereza abakwenda y'abantu abo, okubakoba bati: “Musengwa Katonda abaghe enkabi, kuba mwayoleka obwesigwa bwaimwe eri musengwa waimwe Saulo, mwamuziika.

2 Samueli 2:6

Nsaba Musengwa Katonda abagonzenga obutalekera era abenga mwesigwa ye muli. Zeena ndidha kubakoleranga ebirungi olw'ekyo kye mwakola.

2 Samueli 9:1

Lwali lulala Daudi yaabuuza ati: “Ghakaalighooku omuntu ow'omu ndhu ya Saulo akaasigairegho, mmukolere eby'ekisa ku lwa Yonathani?”

1 Bakyabazinga 20:39

Kyabazinga bweyali ng'ali kubitagho, omulanzi oyo yaamweta ng'akoba ati: “Isebantu kyabazinga, nze omugheereza wo bwe nali nga ndi kulwana mu lutalo, omwisirukale mulala yaava ere yandeetera omusaadha, era yankoba ati, ‘Kuuma omusaadha ono. Aye bwe kalikutanda n'akweibaku, obulamu bwo bw'olisasulamu obubwe, oba olirigha ebitundu bya feeza lukumi (1,000).’

Ensambo 14:22

Abo abategeka okukola ebibi baba badaaliimye mu ndowooza yaibwe, aye abategeka okukola obukalamu beesigibwa era baateebwamu ekinhagansi.

Ensambo 18:24

Ab'emikwano abandi baba ba kiseera buseera, aye ghaligho abagumya omukwano okuwula n'owoluganda.

Matayo 5:7

Ba nkabi ab'ekisa, kuba balisaasirwa.

Ebikolwa by'Abatume 23:22

Omukulu ow'abaisirukale yaamusiibula nga bw'amusikirira ati: “Tokobera muntu yeenayeena oti onkobeire ebibono bino.”

Yoshua 2:13

Muwonie obulamu bwa lata ni maama, n'obwa baganda bange ni baanhinaze, n'obw'abantu baibwe boonaboona be bali nabo. Mutuwonie okwitibwa.”

Yoshua 2:15

Endhu Rahabu ye yasulangamu yali ku mbali kwa kibuga, era ng'oluuyi lwayo olundi lwayungibwa ku kimante ekyezungululanga ekibuga. Kale ku luuyi lwene olwo kwe yabaikiza ku mugugha ng'ababisa mu dinisa.

Yoshua 6:17

Era mukizikirize n'ebikirimu byonabyona, kibe ng'ekigheebwayo eri Musengwa Katonda. Okutoolaku Rahabu malaaya, ni boonaboona b'ali nabo mu ndhu ye, abo n'abali n'okulekebwa nga balamu, kuba yakweka mu ndhu ye abakwenda be twatuma.

Yoshua 6:22

Agho Yoshua yaakoba abasaadha ababiri abaakeeta Yeriko ati: “Muje mu ndhu ya malaaya mumutooleyo n'abantu be boonaboona nga bwe mwamulayirira.”

Yoshua 6:25

Aye Yoshua yaawonia Rahabu, n'ab'endhu ya ise, n'ab'ekika kye abandi boonaboona, baaloba kwitibwa. Ni ye buli eno Rahabu akaali mu Isiraeli kuba yakweka abakwenda Yoshua be yatuma okukeeta Yeriko.

1 Samueli 20:8

Kale ni ngemerwa ekivunika nze omugheereza wo, kuba twaita omukago mu maiso ga Musengwa Katonda. Aye bwemba ng'omusango gunsinga, iwe mwene ndhita, kuba tibona nsonga ekuntwazisa ya lata wo kundhita.”