Yoshua 2:11 - Baibuli Ekibono kya Katonda 2014

¹¹ Bwe twawulira ekintu ekyo twatya inho era twawaamu n'amaani olwaimwe, kuba twidhi nga Musengwa Katonda waimwe, ni Katonda ow'eigulu ghaigulu era ow'ensi ghansi.

Yoshua 2:11 ပူးပေါင်းရင်းမြစ်များ

1 Bakyabazinga 8:60

Olwo abantu ab'omu maghanga goonagoona ku nsi basobole okumanha nga Musengwa Katonda oyo Katonda, era nga ni Katonda yenka, ghazira wundi naire.

2 Bakyabazinga 5:15

Yairayo y'omuntu wa Katonda ghalala ni be yali nabo boonaboona, yaayemerera mu maiso ge, yaakoba ati: “Bona, mpegaano ntegeereire irala nga mu nsi muzira katonda wundi okutoolaku Katonda wa Isiraeli. Kale ganha nze omugheereza wo nkughe ekirabo kye nkuleeteire.”

Nehemia 6:16

Abazigu baife boonaboona abaali mu maghanga agandi agatwezungulwire bwe baakiwulira, baatya era baaweeramu irala amaani, kuba baakimanha ng'omulimo ogwo gwawa lwa Katonda mwene kutuyamba.

Zabbuli 102:15

Ensi dhoonadhoona dhija kutya eriina lya Musengwa Katonda; ni bakyabazinga boonaboona ab'oku nsi baja kutya ekitiisa kye.

Zabbuli 22:14

Zeenazeena mpoiremu ndi kiwooboloolo, buli igumba liviire ku buyungiro bwalyo, omwoyo gunseeneine.

Zabbuli 58:7

Leka babulegho ng'oti n'amaadhi agakuuluula; batyankirire babe ng'oti isubi baniale.

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Okuvaayo 15:14

Amaghanga gaabiwulira gaadhugumira olw'okutya. Abantu ab'omu Filisitia baalumwa emyoyo olw'okweraliikirira.

Okuvaayo 15:15

Ab'obuyinza ab'omu Edomu baatya inho; abafuzi ab'omu Moabu baatengera; abantu ab'omu Kanaani baazirika.

Isaia 13:7

Emikono egya buli muntu girinafugha, abantu boonaboona emyoyo gyabatekemuka.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Ezekieli 21:15

Empiima eyo ereetera emyoyo gy'abantu okutekemuka, beekontola baagwa n'okugwa. Ngitaire mu kibuga nga bagizigwire, eri kumyansa ng'oti lukuba, ng'eteegereire okutirimbula.

Nahumu 2:10

Nineve kizikiriire, kirekeibwa agho kityo, era kiwolongeire. Abantu emyoyo gyabawaamu ira, amagulu gabadhugumira budhugumire, mu mikono muzira maani, n'ensaya dhaabalekuka.

Amateeka Agokubiri 1:28

Kifo ki kye tuli kujaamu ekyo? Banaife be twatumye yo, batumazeemu amaani nga bakoba bati abantu abaliyo bakologho era baleeyiriri okutusinga. Ebibuga byayo bikologho era byezungulwirwa ebimante ebigumu ebituuka ku igulu. Era bati baabonayo n'abantu Abanaki!’”

Amateeka Agokubiri 20:8

“Abakulu mu igye era baneeyongeranga okukoba abalwani bati, ‘Ghano ghaligho omuntu atiire ng'awoiremu omwoyo? Bw'aba ng'aligho, aireyo eka kuba tomanha bw'amala mu baine mwoyo.’

Amateeka Agokubiri 4:39

Kale ni mukimanhe olwaleero era mukikuume mu myoyo gyaimwe muti Musengwa Katonda, ni Katonda mu igulu ni mu nsi. Ezirayo wundi.

Yoshua 14:8

Abantu be naja nabo, baira baatiisa abantu. Aye nze naasigala nga ndi mwesigwa eri Musengwa Katonda wange.

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.

Yoshua 7:5

era abasaadha ab'e Ayi abo baabingirira Abaisiraeli okuviira irala ku mulyango okubatuusa a Shebarimu. Abaisiraeli bwe baali nga baserengeta, bale baabaitamu abantu ng'asatu na mukaaga, era baawaamu amaani baatenha.

Yoshua 9:24

Baamwiramu bati: “Ekyatukoza ekyo lwa kuba ife abagheereza bo twawulira aghazira kubuusabuusa, nga Musengwa Katonda waimwe yalagira omugheereza we Musa, okubagha ekiketezo kino kyonakyona, era n'okuzikiriza abantu baamu boonaboona kiisi ye munaabanga muja. Kale twatya inho nga mwidha kutwita.

Okwolekebwa 6:16

Baakoba ensozi n'agabaale bati: “Mutugweku mutugise, oyo atyaime ku kityamo eky'obwakyabazinga alobe kutubona. Mutuwonie obusungu obw'Entaama Ento,