Yoshua 19:51 - Baibuli Ekibono kya Katonda 2014

⁵¹ Egyo n'emigabo, Eleazari kabona, ni Yoshua omwana wa Nuni, n'abakulu ab'ebika eby'Abaisiraeli, gye baagaba nga bakuba obululu mu maiso ga Musengwa Katonda, agho ku mulyango ogw'Eweema ey'Okwagaananirangamu ni Musengwa Katonda e Shilo. Kale batyo baamaliriza okugabaniamu eitaka.

Yoshua 19:51 ပူးပေါင်းရင်းမြစ်များ

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Zabbuli 78:60

Yaalekulira agho weema ye eyali mu Shilo mwe yabanga ng'ali mu bantu be abo.

Matayo 20:23

Yaabakoba ati: “N'agh'agho, ekikopo kyange mulikinhwaku, aye eky'okutyama ku mukono gwange omusaadha ni ku mugooda, kino ti kyange okukibagha, aye kirigheebwa abo Lata wange be yakitegekera.”

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Ebikolwa by'Abatume 13:19

Yaazikiriza amaghanga omusanvu agaali mu nsi ey'e Kanaani, yaabagha ensi eyo okuba obutaka bwaibwe,

Yoshua 14:1

Kiti ekiketezo ky'e Kanaani eky'e bugwandhuba wa Yorudani bwe kyagabanizibwamu mu Baisiraeli, ng'okugabania kuno kukolebwa Eleazari kabona, ni Yoshua mutabane wa Nuni, n'abakulu ab'ebika eby'Abaisiraeli.

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

Yoshua 18:10

Yoshua yaabakubira obululu mu maiso ga Musengwa Katonda agho e Shilo. Yaagabira ebika omusanvu eby'Abaisiraeli ebyali bisigaire, ekiketezo ekyo.

Yoshua 20:1

Agho Musengwa Katonda yaakoba Yoshua ati:

Abalamuzi 21:19

Agho baakoba bati: “Ghaligho ekibinuko kya Musengwa Katonda ekya buli mwaka e Shilo.” Shilo ekyo kiri ku luuyi olw'omukono omugooda olw'e buvandhuba wa Betheli, ku luuyi olw'e buvandhuba w'engira eva e Betheli okuja e Shekemu, era ku luuyi olw'omukono omusaadha olw'e buvandhuba wa Lebanoni.

Abalamuzi 21:21

Abaghala b'e Shilo bwe banaafuluma okukina ku kibinuko, olwo mwidha kuva mu masamba g'emizabbibu, kiisi muntu ku imwe agememu mulala bya ntaka amufuule mukazi we, muje nabo mu kiketezo kya Benjamini.

1 Samueli 1:3

Buli mwaka Elukana yavanga mu kibuga ky'ewaibwe, yaaja e Shilo okusinza n'okughaayo emisengo eri Musengwa Katonda Afuga Amagye. Eyo n'eyali batabane ba Eli ababiri, Hofuni ni Finehasi, abaali bakabona ba Musengwa Katonda.