Yoshua 19:29 - Baibuli Ekibono kya Katonda 2014

²⁹ Olwo yaakyuka yaabita e Rama, yaatuuka e Tiro ekibuga ekyezungulwirwa ebimante ebigumu. Kabiri yaakyuka yaabita e Hosa era yaakoma ku Nhandha Eyaghagati. Era yaazingiramu n'ebibuga bino: Makalabu, Akazibu,

Yoshua 19:29 ပူးပေါင်းရင်းမြစ်များ

Amainhama 38:5

Era kabiri yaazaala omwana mulenzi, yaamutuuma eriina Shela. Yuda yali ali mu kifo ekyetebwa Kezibu ekiseera omulenzi ghe baamuzaalira.

2 Samueli 24:7

Agho baatuuka e Tiro mu kifo eky'okwewogomamu, baamala baaja mu bibuga byonabyona eby'Abahivi n'Abakanaani, era baaja baabita mu kiketezo kya Buyudaaya ekikalukalu ku luuyi olw'omukono omusaadha olw'e buvandhuba, baatuuka e Beerisheba.

2 Samueli 5:11

Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, baghange okuzimbira Daudi ekisaagaati eky'obwakyabazinga.

1 Bakyabazinga 5:15

Solomoni era yali n'abasaadha emitwalo musanvu (70,000) abeetwisi, n'abandi emitwalo munaana (80,000) abaabaadhanga amabaale mu kiketezo eky'oku nsozi,

Ezekieli 28:21

“Iwe omuntu, amaiso go galingirize ekibuga Sidoni, olange akabi akali kukiidhira.

Mika 1:14

Mperaano ni, musiibule ekibuga Moreshethi Gathi mukighe n'ebirabo kuba baja kukinhaga. Abantu ab'ekibuga Akazibu, baguya, tibaja kubeera bakyabazinga ba mu Isiraeli naire.

Zekaria 9:3

Tiro kyamala okwezimbaku ekimante ekigumu okukyezungulula, kyabunga feeza omungi ng'oti nkungu, ni zaabu omungi ng'oti bityanka bya mu nguudo.

Yoshua 18:25

Ghaabaagho ekiketezo ekindi kye baabagha ekyalimu ebibuga bino: Gibeoni, Rama, Beerothi,

Yoshua 19:30

Umma, Afeki, ni Rehobu. Ebyo nga n'ebibuga amakumi abiri n'ebibiri aghalala n'ebyalo byaku.

Abalamuzi 1:31

Ab'ekika kya Asheri tibaabinga batyamye ba mu bibuga bino: Akko, ni Sidoni, ni Ahalabu, ni Akazibu, ni Afiki, ni Rehobu.