Yoshua 19:22 - Baibuli Ekibono kya Katonda 2014

²² Ensalosalo yaibwe ng'ebita ku Tabori, ni ku Shahazuma, ni ku Bethi Shemeshi, yaakoma ku Yorudani. Ng'ekiketezo kyaibwe kizingiramu ebibuga ikumi na mukaaga n'ebyalo byaku.

Yoshua 19:22 ပူးပေါင်းရင်းမြစ်များ

1 Bakyabazinga 4:9

Benidekeri yaalabirira ebibuga Makazi, Shaalabimu, Bethishemeshi, Eloni ni Bethi Hanani;

1 Ebyomubyanda 6:62

Ab'oku nda ya Gereshomu baabagha ebibuga ikumi na bisatu nga bajiira ku nda dhaibwe. Ebibuga ebyo bye baabagha baabitoola ku bika bino: ekya Issakari, n'ekya Asheri, n'ekya Nafutali, n'ekya Manasse mu Bashani.

1 Ebyomubyanda 6:77

Ab'oku nda ya Merari abaali basigairegho nga bakaali kufuna bibuga, baabagha bino ebyatoolebwa ku kika kya Zebuluni: Rimmono, ghalala n'ebyayiro byakyo ni Tabori, ghalala n'ebyayiro byakyo.

Zabbuli 89:12

Niiwe owatonda ebiri ku luuyi olw'omukono omugooda olw'e buvandhuba, n'ebiri ku luuyi olw'omukono omusaadha olw'e buvandhuba. Ensozi Tabori ni Herimoni dhisaaka eriina lyo n'eisanhu.

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Yoshua 19:12

Ensalosalo nga bw'eva ku luuyi lule olundi olwa Saridi esimbira buvandhuba, yaatuuka ku nsalosalo y'e Kisilothi Tabori, n'e Daberathi, era yeeyongerayo okutuuka e Yafia.

Yoshua 19:21

Remethi, Engannimu, Enihadda ni Bethi Pazzezi.

Yoshua 19:23

Ebyo byonabyona nga n'omugabo ogw'ekika ky'Abaissakari ng'enda dhaibwe bwe dhaali.

Yoshua 19:38

Yironi, Migadaleli, Horemu, Bethanathi, ni Bethi Shemeshi. Ebyo nga n'ebibuga eikumi n'omwenda aghalala n'ebyalo byaku.

Yoshua 21:16

Aini, Yutta, ni Bethi Shemeshi, nga ku byonabyona babagheeraku n'ebiketezo omwalinga eisubi ery'okwayirangamu. Bino byali ebibuga mwenda era nga n'ebyava ku biketezo bino: ekya Yuda n'ekya Simeoni.

Abalamuzi 4:12

Abantu baakobera Sisera bati, Baraki aniinie ku lusozi Tabori.

Abalamuzi 4:6

Agho yaatumisa Baraki mutabane wa Abinoamu ow'omu kibuga Kadeshi eky'e Nafutali. Yaamukoba ati: “Musengwa Katonda, Katonda wa Isiraeli, akulagiire ati, ‘Twala abasaadha omutwalo mulala ku b'ekika kya Nafutali n'ekya Zebuluni, mwesolokeze ku lusozi Tabori.