Yoshua 18:6 - Baibuli Ekibono kya Katonda 2014

⁶ Baidha kundeetera ebighandiiko ebiinhonhola ebitundu ebyo omusanvu, nze mbakubire obululu ghano mu maiso ga Musengwa Katonda waife.

Yoshua 18:6 ပူးပေါင်းရင်းမြစ်များ

Zabbuli 105:11

ng'akoba ati: “Ndibagha ensi Kanaani, yaaba yaimwe ku bwaimwe.”

Ensambo 16:33

Abantu baghanga okukuba akalulu babone ekinaavaamu, aye Musengwa Katonda mwene n'asalagho eky'enkomerero.

Ensambo 18:18

Okukuba akalulu kulekeza entaka, era kwalamula ab'amaani.

Okubala 33:54

Mwidha kugigabana mu bika byaimwe ni mu nda dhaimwe nga mukozesa obululu. Ekika ekinene mwidha kukigha ghanene, ate ekika ekitono mukighe ghatono. Omuntu akalulu ghe kanaamugha n'aghanaaba aghaghe, ng'agabanira mu kika kya ise.

Okubala 34:13

Agho Musa yaakoba Abaisiraeli ati: “Eyo n'ensi ye mwidha okugabana nga mukuba obululu, Musengwa Katonda y'alagiire okugha ebika omwenda n'ekitundu;

Ebikolwa by'Abatume 13:19

Yaazikiriza amaghanga omusanvu agaali mu nsi ey'e Kanaani, yaabagha ensi eyo okuba obutaka bwaibwe,

Yoshua 14:2

Nga Musengwa Katonda bwe yalagira Musa, engabania ey'ekiketezo kino mu bika omwenda n'ekitundu, yali ya kukuba bululu.

Yoshua 18:10

Yoshua yaabakubira obululu mu maiso ga Musengwa Katonda agho e Shilo. Yaagabira ebika omusanvu eby'Abaisiraeli ebyali bisigaire, ekiketezo ekyo.

Yoshua 18:7

Abalevi bazira mugabo mu imwe, kuba omugabo gwaibwe kugheereza Musengwa Katonda nga bakabona. Ate Abagadi, n'Abareubeni, n'Abamanasse ab'e buvandhuba, baamala ira okufuna emigabo gyaibwe e buvandhuba wa Yorudani, Musa omugheereza wa Musengwa Katonda gye yabagha.”

Yoshua 18:8

Kale abasaadha abo be baalonda baatoolera olugendo lwaibwe okuja okughandiika Yoshua bye yabakoba. Yoshua era yaabakoba ati: “Muje mukebere bukalamu nga mughandiika ebifa ku kiketezo ekyo, memale mwidhe munkobere. Nze ndidha kubakubira obululu mu maiso ga Musengwa Katonda ghano e Shilo.”