Yoshua 18:28 - Baibuli Ekibono kya Katonda 2014

²⁸ Zela, Haelefu, Yebusi, ekyo nga ni Yerusalemu, Gibea, ni Kiriathi Yearimu. Ebyo nga n'ebibuga eikumi n'ebina (14) n'ebyalo byaku. Ebyo byonabyona nga n'omugabo ogwagheebwa ekika eky'Ababenjamini ng'enda dhaibwe bwe dhaali.

Yoshua 18:28 ပူးပေါင်းရင်းမြစ်များ

2 Samueli 21:14

Kale baaziika amagumba ga Saulo n'aga mutabane we Yonathani mu magombe ga Kishi lata wa Saulo oyo e Zela mu kiketezo kya Benjamini. Era baakola byonabyona kyabazinga Daudi bye yalagira. Ebyo bwe byawa, Katonda yaabagha bye baasabira ensi yaibwe.

2 Samueli 23:29

Helebu mutabane wa Baana ow'e Netofa, Ittai mutabane wa Ribai ow'e Gibea eky'Ababenjamini,

2 Samueli 5:6

Agho kyabazinga Daudi n'abasaadha be baaja e Yerusalemu okulwanisa Abayebusi abaali abatyamye ab'omu kiketezo ekyo. Abayebusi abo baakoba Daudi bati: “Toidha kwingira ghano, kuba abatulu obutulu n'abalema obulema baidha kukulwanisa bakulemeese.” Baali badhuuba mule bati: “Daudi tasobola kughangula kibuga kino.”

2 Samueli 5:8

Ku lunaku olwo Daudi yakoba abasaadha be ati: “Omuntu yeenayeena akyaye Abayebusi ng'oti ninze Daudi, abitire mu mweta ogw'amaadhi, aje alumbe abalema n'abatulu abo.” Okwo n'okwava endhogera ekoba eti: “Abatulu n'abalema tibaidha kungira mu ndhu.”

1 Ebyomubyanda 8:28

Abo n'abaali abakulu b'enda dha baiseibwe, ng'ense dhaibwe bwe dhaajanga nga dhiiraganwaku. Era baabanga mu Yerusalemu.

Isaia 10:29

Bamaze okubita aghaingirirwa, baaja baasula e Geba. Ab'omu kibuga Rama bali kudhugumira olw'okutya, ab'omu kibuga kya kyabazinga Saulo eky'e Gibea balumwike.

Yeremia 6:1

Imwe abantu ba Benjamini mulumuke mwewonie. Muve mu kibuga Yerusalemu. Mufuuyire e Tekoa amagwala, era mute mu kibuga Bethi Hakkeremu akamanhiso; kuba akabi n'okuzikirira biri kwidha nga biva ku luuyi olw'omukono omugooda olw'e buvandhuba.

Hosea 10:9

Musengwa Katonda akoba ati: “Abaisiraeli tibalekeranga kukola bibi, okuviira irala ku biseera bye baakoleramu ebibi e Gibea. Kale yeene eyo e Gibea olutalo ye lulibaagaana.

Okubala 26:38

Ekika kya Benjamini kyalimu enda dhino: eya Bela, n'eya Ashubeli, n'eya Ahiramu,

Okubala 26:54

Ebika ebinene oidha kubigha eitaka inene, ate ebika ebitono obighe eitaka itono. Buli kika kiidha kugheebwa omugabo gwakyo ogw'eitaka, nga bajiira ku bunene bwakyo.

Okubala 33:54

Mwidha kugigabana mu bika byaimwe ni mu nda dhaimwe nga mukozesa obululu. Ekika ekinene mwidha kukigha ghanene, ate ekika ekitono mukighe ghatono. Omuntu akalulu ghe kanaamugha n'aghanaaba aghaghe, ng'agabanira mu kika kya ise.

Yoshua 15:63

Abayuda tibaaghanga kubinga Bayebusi be baayagaana nga n'ababa mu Yerusalemu. Era ni ye buli eno Abayebusi baba mu Yerusalemu ghalala n'Abayuda.

Yoshua 15:8

Nga bw'etuuka agho enonereza ekiiko ekya mutabane wa Hinnomu ku luuyi olw'omukono omusaadha olw'e buvandhuba mu mbali mw'olusozi Yebusi ng'ekyo ni Yerusalemu. Agho nga eja yaaniina ku lusozi oluli e bugwandhuba w'Ekiiko kya Hinnomu, ku luuyi olw'omukono omugooda olw'e buvandhuba w'Ekiiko ky'Abarefa.

Yoshua 18:16

Agho yaaserengeta yaatuuka ghansi gh'olusozi olulingiriire ekiiko kya mutabane wa Hinnomu ekiri aghakoma ekiiko ky'Abarefa, ku luuyi olw'omukono omugooda olw'e buvandhuba. Era yaava agho yaika mu kiiko kya Hinnomu ekyo, ku luuyi olw'omukono omusaadha olw'e buvandhuba mu mbali mw'olusozi olw'Abayebusi, kabiri yaaserengeta okutuuka ku kibuga Enirogeli.

Yoshua 18:27

Rekemu, Irupeela, Tarala,

Yoshua 19:1

Akalulu bwe kaakubwa omukuzi ogwokubiri, kaagwa ku kika eky'Abasimeoni ng'enda dhaibwe bwe dhaali. Ekiketezo kyaibwe nga kiri munda mwa kiketezo kya Bayuda.

Abalamuzi 1:21

Aye ab'ekika kya Benjamini tibaaghanga kubinga Bayebusi be baayagaana nga n'ababa mu Yerusalemu. Era ni ye buli eno Abayebusi baba mu Yerusalemu ghalala n'Ababenjamini.

Abalamuzi 19:10

Aye omusaadha yaaloba kuganha kusula bwire bundi. Agho yaasituka yaatambula, ng'ali ni mukazi we, n'omugheereza we, n'endogoyi dhaibwe eibiri edhiriku ebintu ebityamibwaku, baatuuka agho ng'olingiriire Yebusi, ekyo nga ni Yerusalemu.

1 Samueli 10:26

Ni Saulo yeena yaaja ewuwe e Gibea. Yaaja n'abasaadha abaziramu ntete naire, Katonda be yagumya emyoyo.