Yoshua 18:12 - Baibuli Ekibono kya Katonda 2014

¹² Ensalosalo yaakyo ng'eva ku luuyi olw'omukono omugooda olwa Yorudani olw'e buvandhuba, yaaja yaatuuka ku lusozi Yeriko oluli ku luuyi lwene olwo, yaaniinaniina mu nsozi edhiri e bugwandhuba, yaakoma ku irungu ery'e Bethaveni.

Yoshua 18:12 ပူးပေါင်းရင်းမြစ်များ

Hosea 10:5

Abatyamye ab'omu Samaria balidhugumira olw'okuviibwaku ekifaananie eky'ente ento eky'e Bethaveni. Abantu abakisinza balikiririra amaziga, ni bakabona abagheereza ekisinzibwa ekyo ekitali Katonda, baliwowoola, nga kitooleibwaku ekitiibwa kyakyo.

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Hosea 5:8

Mufuuwe endeka e Gibea! Mufuuwe amagwala e Rama! Era mukube enduulu edh'omu lutalo e Bethaveni! Mwete Ababenjamini baidhe mu lutalo.

Yoshua 16:1

Ensalosalo ey'oku luuyi olw'omukono omusaadha olw'e buvandhuba ey'ekiketezo ekyagheebwa baidhukulu ba Yosefu, ng'etoolerera ku Yorudani, okumpi ni Yeriko, yaaja nga yeeyongerayo mu irungu. Bw'eva e Yeriko eniinaaniina ekiketezo eky'oku nsozi yaatuuka e Betheli.

Yoshua 18:11

Ekiketezo ekyasooka okukubwaku akalulu kyali ghagati gh'ekiketezo eky'Abayuda n'eky'Abayosefu. Era akalulu kaagwa ku Babenjamini ng'enda dhaibwe bwe dhaali.

Yoshua 2:1

Agho Yoshua yaatuma abantu babiri nga baviira agho e Shittimu ghe baali basimbye weema dhaibwe, baje babone mu nkweko ensi Kanaani bw'efaanana, n'okusingira irala ekibuga Yeriko, baire bamukobere. Bwe baatuuka mu kibuga, baaja okusula mu ndhu ya malaaya ye baayetanga Rahabu.

Yoshua 3:16

amaadhi gaalekera okutambula, geebunga kumpi n'ekibuga Adamu ekiriiraine ekibuga Zarethani. Amaadhi agaali gaserengeta nga gaja mu Nhandha Eyomuunhu gaalekera agho, abantu baasobola okusomoka nga boolekeire Yeriko.

Yoshua 6:1

Mu kiseera ekyo emiryango egingira mu kibuga Yeriko baali baagiigala begulugulu okulobera Abaisiraeli okwingira. Ng'ezira muntu afulumamu oba angiramu.

Yoshua 7:2

Yoshua ng'akaali e Yeriko yatuma abasaadha baje e Ayi, ekyali okumpi n'ekibuga Bethaveni e buvandhuba ow'e kibuga Betheli. Yaabakoba ati: “Muje mukeete ensi eyo.” Era abasaadha baaja baakeeta Ayi.

Yoshua 8:15

Yoshua n'abasaadha be beefuula ng'abali kubalumuka, baaja mu irungu.

1 Samueli 13:5

Agho Abafilisiti beesoloza okulwanisa Abaisiraeli. Baali n'ebigaali eby'omu lutalo emitwalo esatu (30,000), n'abalwani kakaaga (6,000) ab'oku mbalaasi, era n'abalwani abaali abangi ng'oti musenho oguba ku mbali kw'enhandha. Abalwani Abafilisiti abo, baaja baasimba weema dhaibwe e Mikamashi, ku luuyi olw'e bugwandhuba wa Bethaveni.