Yoshua 18:1 - Baibuli Ekibono kya Katonda 2014

¹ Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

Yoshua 18:1 ပူးပေါင်းရင်းမြစ်များ

2 Samueli 7:6

Tibangaku mu ndhu okuviira irala ku lunaku lwe natoola Abaisiraeli e Misiri okutuusa ni ye buli eno. Buli ghe mbairenga nja, nga mba mu weema.

1 Bakyabazinga 14:2

Yeroboamu yaakoba mukazi we ati: “Kola weefuusefuuse olobe kumanhika nga niiwe mukazi wange. Olwo oje e Shilo eri omulanzi Ahiya, eyankoba ati ndiba kyabazinga w'abantu bano.

1 Bakyabazinga 14:4

Agho muka Yeroboamu yaakola atyo, yaasitula yaaja e Shilo, yaatuuka ku ndhu ya Ahiya. Ahiya yali takaaghanga kubona, ng'amaiso gamwidhieku ekifu olw'obukaire.

1 Bakyabazinga 2:27

Kale atyo Solomoni yaabinga Abiathari ku mulimo ogw'okuba kabona wa Musengwa Katonda. Mu nsambo eyo, yaatuukiriza Musengwa Katonda kye yakoba ku b'endhu ya Eli mu Shilo.

Nehemia 9:24

Kale abaidhukulu abo bangira mu nsi eyo, baagitwala yaaba yaibwe ku bwaibwe. Waabaghangulira Abakanaani abaali abatyamye baamu. Bakyabazinga Abakanaani n'abantu baibwe, waabata mu ngalo dh'abaidhukulu abo, okubakola kye benda.

Zabbuli 78:60

Yaalekulira agho weema ye eyali mu Shilo mwe yabanga ng'ali mu bantu be abo.

Zabbuli 78:66

Yairirizaayo abazigu be ng'abaghangwire era nga baswaliire irala.

Yeremia 26:6

Era bwemutaalekere agho kubanga badheemu, nja kukola eisinzizo lino kye nakola Shilo. Olwo amaghanga goonagoona ku nsi, gaidha kukozesanga eriina ery'ekibuga kino nga gakolima.”

Yeremia 26:9

Lwaki olanze mu liina lya Musengwa Katonda oti eisinzizo lino lija kufuuka nga Shilo, era oti ekibuga kino kija kuzikirizibwa ghabule n'omuntu akibaamu?” Agho abantu boonaboona beesololeza ghe ndi, baaneezungulula mu isinzizo.

Yeremia 41:5

abasaadha kinaana baatuuka nga bava e Shekemu, n'e Shilo, n'e Samaria. Baali basazeeku ebirevu byaibwe, nga bakanwire ebivaalo byaibwe, era nga beesazesaze n'emisale ku mubiri. Baali baleese emere ey'empeke n'obubbaani mu isinzizo, ng'ebigheebwayo.

Okubala 32:22

n'okunhaga ensi eyo. Memale mwire nga muzira kibabandhibwa Musengwa Katonda oba Baisiraeli banaimwe. Olwo aja kukakasa ekiketezo kino kibe obutaka bwaimwe.

Ebikolwa by'Abatume 7:45

Badhaadha baife era baaleeta eweema eyo ni Yoshua bwe bangira okutwala ensi Katonda ye yabingamu abantu abandi, nga badhaadha baife babona. Eweema eyo yaaba mu nsi muno okutuukiza irala mu byanda bya Daudi.

Yoshua 18:2

Ghaali nga ghakaaligho ebika musanvu eby'Abaisiraeli ebyali bikaali kugheebwa migabo gyabyo egy'obutaka.

Yoshua 18:8

Kale abasaadha abo be baalonda baatoolera olugendo lwaibwe okuja okughandiika Yoshua bye yabakoba. Yoshua era yaabakoba ati: “Muje mukebere bukalamu nga mughandiika ebifa ku kiketezo ekyo, memale mwidhe munkobere. Nze ndidha kubakubira obululu mu maiso ga Musengwa Katonda ghano e Shilo.”

Yoshua 19:51

Egyo n'emigabo, Eleazari kabona, ni Yoshua omwana wa Nuni, n'abakulu ab'ebika eby'Abaisiraeli, gye baagaba nga bakuba obululu mu maiso ga Musengwa Katonda, agho ku mulyango ogw'Eweema ey'Okwagaananirangamu ni Musengwa Katonda e Shilo. Kale batyo baamaliriza okugabaniamu eitaka.

Yoshua 21:2

e Shilo mu kiketezo eky'Abakanaani. Baabakoba bati: “Musengwa Katonda ng'abita mu Musa yalagira ati tuli n'okugheebwa ebibuga mwe tube tubenga. Era tugheebwe n'ebiketezo ebibyezungulwire omuli eisubi, twayirengamu ebyayo byaife.”

Yoshua 22:12

Abaisiraeli abo abandi bwe baakiwulira, boonaboona beesololeza e Shilo nga benda baje balwane n'ebika ebyo eby'e buvandhuba.

Yoshua 22:19

“Ekiketezo kyaimwe bwe kiba nga tiikirongoofu, nga timusobola kusinzizaamu Musengwa Katonda, mwidhe eno eri Weema ey'Okwagaananirangamu ni Musengwa Katonda. Mwidhe mufune eno ye tuli obutaka, aye mutadheemera Musengwa Katonda oba okutufuula twenatwena abadheemu nga muzimbayo alutaari eyindi ate nga eya Musengwa Katonda waife erigho.

Yoshua 22:9

Kale batyo Abareubeni, n'Abagadi, n'ekitundu ku Bamanasse, baaleka ebika ebindi nga bikaali e Shilo mu Kanaani, bairayo ewaibwe e Gileadi mu kiketezo kye baafuna beene ng'obutaka bwaibwe, nga Musengwa Katonda bwe yalagira ng'abita mu Musa.

Abalamuzi 18:31

Kale baataagho ekifaananie ekibaadhe Mika kye yakola, kyasigalayo ekiseera kyonakyona endhu ya Katonda kye yabeeragho e Shilo.

Abalamuzi 21:12

Mu batyamye b'omu Yabeshi, baayagaanamu abaghala abeegha ebikumi bina. Baabaleeta mu kifo ghe baasimba weema dhaibwe e Shilo, ekiri mu nsi Kanaani.

Abalamuzi 21:19

Agho baakoba bati: “Ghaligho ekibinuko kya Musengwa Katonda ekya buli mwaka e Shilo.” Shilo ekyo kiri ku luuyi olw'omukono omugooda olw'e buvandhuba wa Betheli, ku luuyi olw'e buvandhuba w'engira eva e Betheli okuja e Shekemu, era ku luuyi olw'omukono omusaadha olw'e buvandhuba wa Lebanoni.

1 Samueli 1:24

Omwana bwe yakula n'ava ku mabeere, Hanna yaamutwala ghalala n'ente ey'emyaka esatu, ni kilo ikumi edh'obuwunga obw'engaano, n'ensawo ey'oluwu eidhwire omwenge ogw'emizabbibu. Yaamutwala mu ndhu ya Musengwa Katonda e Shilo, waire ng'era omwana yali akaali muto.

1 Samueli 1:3

Buli mwaka Elukana yavanga mu kibuga ky'ewaibwe, yaaja e Shilo okusinza n'okughaayo emisengo eri Musengwa Katonda Afuga Amagye. Eyo n'eyali batabane ba Eli ababiri, Hofuni ni Finehasi, abaali bakabona ba Musengwa Katonda.