Yoshua 17:6 - Baibuli Ekibono kya Katonda 2014

⁶ Kuba abaghala abo baafuna emigabo okwongereza ku b'ekika ekyo abasaadha gye baafuna. Ekiketezo kya Gileadi kyagheebwa Abamanasse abandi abaasigalagho.

Yoshua 17:6 ပူးပေါင်းရင်းမြစ်များ

Ezekieli 48:4

Ekika kya Manasse kyona kirifuna omugabo mulala nga gwa kiketezo ekigabana ensalosalo endala n'ekiketezo eky'ekika kya Efuraimu. Nga kyona kiva ku nsalosalo ey'e buvandhuba kyatuuka ku y'e bugwandhuba.

Yoshua 13:29

Musa yali amaze okugabira ekitundu eky'ekika eky'Abamanasse obutaka bwaibwe ng'ajiira ku nda edhaali mu kitundu eky'ekika ekyo.

Yoshua 13:30

Ekiketezo kyaibwe nga kija kyatuuka e Mahanaimu era nga kitwalizaamu Bashani yeenayeena, obwali obwakyabazinga bwa Ogi, era ng'omwo n'omuli ebyalo bya Yaira eby'e Bashani nkaaga.

Yoshua 13:31

Era kyatwalizaamu ekitundu ku Gileadi, era kyatwalizaamu ebibuga bino: Ashitarothi ni Edurei ebibuga bino kyabazinga Ogi owa Bashani mwe yafugiranga. Bino byonabyona byagheebwa edhindi ku nda edha baidhukulu ba Makiri mutabane wa Manasse.

Yoshua 17:5

Eno n'ensonga lwaki Abamanasse baafuna emigabo ikumi okwongereza ku kiketezo eky'e Gileadi n'eky'e Bashani, ebiri ku luuyi olw'e buvandhuba olwa Yorudani.

Yoshua 17:7

Ekiketezo ekyagheebwa Abamanasse nga kiva e Ashera kyatuuka e Mikamethathi e buvandhuba wa Shekemu. Olwo ensalosalo yaaja ku luuyi olw'omukono omusaadha olw'e buvandhuba, yaazingiramu abantu ab'e Entappua.

Yoshua 22:7

Ekitundu ku Bamanasse, Musa yali amaze okubagha obutaka bwaibwe e Bashani e buvandhuba wa Yorudani, ate ekitundu ekindi Yoshua yaakigha obutaka bwakyo e bugwandhuba wa Yorudani, ghalala n'ebika ebindi ebya Isiraeli. Era Yoshua bweyali asiibula abaali baja ewaibwe,