Yoshua 17:14 - Baibuli Ekibono kya Katonda 2014

¹⁴ Lwali lulala baidhukulu ba Yosefu baakoba Yoshua bati: “Lwaki watugha omugabo mulala gwonka okuba obutaka bwaife? Ate nga Musengwa Katonda yatugha enkabi tuli abantu kamaala.”

Yoshua 17:14 ပူးပေါင်းရင်းမြစ်များ

Amainhama 48:19

Aye ise yaaloba. Yaakoba ati: “Mwana wange, ekyo nkiidhi bukalamu. Baidhukulu ba Manasse boona balifuuka ighanga, era baliba bakologho. Aye muto we n'alimusinga obukologho, era baidhukulu be balifuuka amaghanga kamaala.”

Amainhama 48:20

Kale yaabasabira enkabi ku lunaku olwo, ng'akoba ati: “Abantu ab'omu Isiraeli baidha kusabiranga omuntu enkabi, nga bakozesa amaina gaimwe bati, ‘Katonda akufuule nga Efuraimu ni Manasse.’ ” Mu nsambo eyo Yakobo yaakulembeza Efuraimu, ate Manasse yaava einhuma.

Amainhama 48:22

Era ekiketezo eky'e Shekemu ekigimu, kye natoola ku Bamori nga nwanisa empiima yange n'akalaso, nkighaire iwe, se ti baganda bo.”

Ezekieli 48:5

Ekika kya Efuraimu kyona kirifuna omugabo mulala nga gwa kiketezo ekigabana ensalosalo endala n'ekiketezo eky'ekika kya Manasse. Nga kyona kiva ku nsalosalo ey'e buvandhuba kyatuuka ku y'e bugwandhuba.

Okubala 13:7

Igali mutabane wa Yosefu ow'omu kika kya Issakari;

Okubala 26:54

Ebika ebinene oidha kubigha eitaka inene, ate ebika ebitono obighe eitaka itono. Buli kika kiidha kugheebwa omugabo gwakyo ogw'eitaka, nga bajiira ku bunene bwakyo.

Okubala 36:12

Baabayira ku nda dha batabane ba Manasse, mutabane wa Yosefu. Era obutaka bwaibwe obw'ensikirano bwasigala mu kika eky'enda ya iseibwe.

Yoshua 16:4

Ekyo n'ekiketezo ekyagheebwa ebika ebibiri ebyava mu Yosefu eky'Abaefuraimu n'eky'Abamanasse e Bugwandhuba.

Yoshua 17:15

Yoshua yaabairamu ati: “Oba nga muli kamaala era ng'ekiketezo ekya Efuraimu eky'ensozi tikibamala, muje musaaghe ebibira mu kiketezo ekirimu Abaperizzi n'Abarefa.”