Yoshua 15:12 - Baibuli Ekibono kya Katonda 2014

¹² E bugwandhuba, ensalosalo yaibwe yali Enhandha Eyaghagati. Eyo n'ensalosalo eyeezungulula ekiketezo eky'Abayuda ng'enda dhaibwe bwe dhaali.

Yoshua 15:12 ပူးပေါင်းရင်းမြစ်များ

Ezekieli 47:20

“Ku luuyi olw'e bugwandhuba, Enhandha Eyaghagati n'eriba ensalosalo okuva ku nsalosalo ey'oku luuyi olw'omukono omusaadha olw'e buvandhuba okutuuka aghangirirwa e Hamathi.

Ezekieli 48:7

Ekika kya Yuda kyona kirifuna omugabo mulala nga gwa kiketezo ekigabana ensalosalo endala n'ekiketezo eky'ekika kya Reubeni. Nga kyona kiva ku nsalosalo ey'e buvandhuba kyatuuka ku y'e bugwandhuba.

Amateeka Agokubiri 11:24

Buli kifo kye munaaniinangaku ekigere, kiidha kubanga kyaimwe. Ensalosalo dhaimwe dhinaavanga ku irungu ku luuyi olw'omukono omusaadha olw'e buvandhuba, dhaatuuka ku nsozi dh'e Lebanoni ku luuyi olw'omukono omugooda olw'e buvandhuba. Era dhinaavanga ku mwiga Eufurate mu buvandhuba, dhaatuuka ku Nhandha Eyaghagati mu bugwandhuba.

Yoshua 15:11

yaaja ku lusozi Ekuroni ng'erubita ku luuyi lwene olwo, kabiri yaakyuka okutuuka e Shikkeroni, yaaja yaabisa olusozi Baala, yaabita ku Yabuneeli, yaakoma ku Nhandha Eyaghagati.

Yoshua 15:47

Era baagheebwayo ekiketezo ekindi nga kirimu ebibuga bino: Ashidodi ni Gaza, n'ebibuga ebitonotono ebibiriiraine, n'ebyalo byaku, okutuuka ku mwiga ogukola ensalosalo ni Misiri n'ebifo eby'oku Nhandha Eyaghagati.

Yoshua 18:5

Olumaliira baidha kukigabaniamu ebitundu musanvu: Abayuda baidha kusigala nga bakaali mu kiketezo kyaibwe ekiri ku luuyi olw'omukono omusaadha olw'e bugwandhuba, ate ab'enda ya Yosefu boona basigale mu kyaibwe ku luuyi olw'omugooda era olw'e buvandhuba.