Yoshua 15:11 - Baibuli Ekibono kya Katonda 2014

¹¹ yaaja ku lusozi Ekuroni ng'erubita ku luuyi lwene olwo, kabiri yaakyuka okutuuka e Shikkeroni, yaaja yaabisa olusozi Baala, yaabita ku Yabuneeli, yaakoma ku Nhandha Eyaghagati.

Yoshua 15:11 ပူးပေါင်းရင်းမြစ်များ

2 Bakyabazinga 1:16

Eliya oyo bwe yatuuka ye kyabazinga, yaakoba kyabazinga ati: “Musengwa Katonda akoba ati, ‘Nga bwe watuma abakwenda okuja okwebuuza ku musambwa Baalizebubu ogw'Ekuroni, ng'oti se mu Isiraeli muziramu Katonda, kale ni toidha kuwona ove ku buliri okwo kw'oli, bwenebwene oidha kufa.’ ”

2 Bakyabazinga 1:6

Baamwiramu bati: “Omusaadha aidhie, yaatukoba ati, ‘Mwireyo ye kyabazinga abatumye, mumukobe muti Musengwa Katonda akoba ati, obwo oli kutuma abakwenda okuja okwebuuza ku musambwa Baalizebubu ogw'e Ekuroni, lwa kuba mu Isiraeli muziramu Katonda? Kale ni toidha kuwona ove ku buliri okwo kw'oli, oli wa kufa.’ ”

2 Ebyomubyanda 26:6

Uzzia oyo yaaja yaalumba Abafilisiti, yaabalwanisa, yaamenhagho ebimante eby'oku bibuga, Gathi, ni Yabune, ni Ashidodi. Era yaazimba ebibuga mu biketezo by'e Ashidodi, n'aghandi mu nsi y'Abafilisiti.

Okubala 34:6

“Ku luuyi olw'e bugwandhuba, ensalo eidha kubanga Enhandha Eyaghagati.

Yoshua 15:10

Nga bw'etuuka e Baala eja ng'ekyezungulula, yaakibita e bugwandhuba yaatuuka ku lusozi Seiri, yeeyongerayo yatuuka ku lusozi Yearimu, ng'ekyo ni Kesaloni, yaalubita ku luuyi lwalwo olw'omukono omugooda olw'e buvandhuba. Agho yaaja yatuuka e Bethi Shemeshi, era yaabita ku Timuna,

Yoshua 15:12

E bugwandhuba, ensalosalo yaibwe yali Enhandha Eyaghagati. Eyo n'ensalosalo eyeezungulula ekiketezo eky'Abayuda ng'enda dhaibwe bwe dhaali.

Yoshua 15:45

Era baagheebwayo ekibuga ekinene ekyetebwa Ekuroni, ghalala n'ebibuga ebindi ebitonotono ebikiriiraine, n'ebyalo byaku.

Yoshua 15:9

Kabiri yaava ghaigulu ku lusozi olwo yaaserengeta okutuuka ku miiga egy'e Mefutoa, era yaabitagho okutuuka ku bibuga ebiri ku lusozi Efuroni. Agho yaakyuka yaayolekera e Baala ng'ekyo ni Kiriathi Yearimu.

Abalamuzi 1:18

Era ab'ekika kya Yuda abo baaghangula n'ebibuga bino: Gaza, ni Ashikeloni, ni Ekuroni, ghalala n'ebiketezo ebibyezungulwire.

1 Samueli 17:52

Abalwani Abaisiraeli n'Abayudaaya baasituka nga bali kuleekaana, baabingirira Abafilisiti okutuukira irala e Gathi, ni ku miryango gya Ekuroni. Abafilisiti abaafumitibwa, baaja nga bagwa ku ngira okuva e Shaaraimu n'okutuukira irala e Gathi n'e Ekuroni.

1 Samueli 5:10

Kale Esanduuku ey'Endagaano ya Katonda baagigheereza mu Ekuroni. Aye olwagituusaayo bati, abantu baayo baaleekaana bati: “Batuleeteire Esanduuku ey'Endagaano ya Katonda wa Isiraeli okutwita ife n'abantu baife!”

1 Samueli 5:8

Kale baatuma abakwenda, baayeta abafuzi ab'Abafilisiti boonaboona. Agho baababuuza bati: “Esanduuku ey'Endagaano ya Katonda wa Isiraeli tugikolere ki?” Bale bairamu bati: “Etwalibwe e Gathi.” Kale baatwala Esanduuku ey'Endagaano ya Katonda e Gathi.

1 Samueli 7:14

N'ebibuga byonabyona Abafilisiti bye baali banhaze ku Baisiraeli, ebiri ghagati gha Ekuroni ni Gathi, byairira Abaisiraeli. Kale Isiraeli yeiriza ebiketezo byayo byonabyona, era ghaabaagho emiraala ghagati gh'Abaisiraeli n'Abamori.