Yoshua 14:9 - Baibuli Ekibono kya Katonda 2014

⁹ Olw'okuba nakola ntyo Musa yatusuubiza ati nze n'abaana bange, tuja kugheebwa eitaka eryo lye natambuliraku, libe lyaife.

Yoshua 14:9 ပူးပေါင်းရင်းမြစ်များ

Zabbuli 37:9

kuba ababi baja kuwaagho aye abo abasuubirira mu Musengwa Katonda balitwala ensi.

Okubala 13:22

Baaniinaniina baingira mu kiketezo ekikalukalu eky'oku luuyi olw'omukono omusaadha olw'e buvandhuba, baaja baatuuka e Heburoni. Eyo n'eyali ab'ekika kya Ahimani n'ab'ekika kya Sheshai n'ab'ekika kya Talumai, baidhukulu ba Anaki. Heburoni ekyo, n'ekyasooka okuzimbibwa ghaabitagho emyaka musanvu, memale Zoani kyazimbibwa mu Misiri.

Amateeka Agokubiri 1:36

okutoolaku Kalebu mutabane wa Yefunne. Oyo n'aligingiramu. Era mwene n'abaana be, ndibagha ensi ye yalambuula. Kuba yasigala nga mwesigwa ye ndi mu byonabyona.’

Amateeka Agokubiri 11:24

Buli kifo kye munaaniinangaku ekigere, kiidha kubanga kyaimwe. Ensalosalo dhaimwe dhinaavanga ku irungu ku luuyi olw'omukono omusaadha olw'e buvandhuba, dhaatuuka ku nsozi dh'e Lebanoni ku luuyi olw'omukono omugooda olw'e buvandhuba. Era dhinaavanga ku mwiga Eufurate mu buvandhuba, dhaatuuka ku Nhandha Eyaghagati mu bugwandhuba.

Yoshua 1:3

Nga bwe nakobera Musa, kiisi ghe munaaniina ekigere woonawoona mbaghairegho.

Yoshua 14:10

Aye mperaano bona, ghaakabitagho emyaka amakumi ana n'etaanu kasookanga Musengwa Katonda akoba Musa ekyo. Ebyo byali nga n'ebiseera Abaisiraeli ghe twabeerera mu irungu nga tuli kutambula okulibitamu, era Musengwa Katonda akaakuuma ekisuubizo kye, akandeseegho nga ndi mulamu. Nningaaku! Buti ndi ku myaka kinaana n'etaanu egy'obukulu.

Abalamuzi 1:20

Agho ekibuga Heburoni kyagheebwa Kalebu, nga Musa bwe yalagira. Kalebu yaabingamu abaidhukulu abaava mu baana ba Anaki abasatu.