Yoshua 14:12 - Baibuli Ekibono kya Katonda 2014

¹² Agho ni kyenva nsaba nti mpa ebiketezo ebyo ebirimu ensozi, Musengwa Katonda bye yansuubiza ku olwo kuba wawulira ku olwo nga bw'eriyo Abanaki, abantu abawaigufu, mu bibuga ebyezungulwirwa ebimante ebigumu. Musengwa Katonda aghanga okuba ninze, naababingamu nga Musengwa Katonda bwe yakoba.”

Yoshua 14:12 ပူးပေါင်းရင်းမြစ်များ

2 Bakyabazinga 19:4

Kyabazinga w'e Assiria yatuma omukungu we omukologho okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 60:12

Kasita Katonda n'aba ku luuyi olwaife twidha kuba ba maani; kuba oyo n'aja okutyankirira abazigu baife boonaboona.

Okubala 13:28

Aye abantu baayo ba maani, n'ebibuga byaibwe binene inho era nga baabyezunguluza ebimante ebigumu. Ate ebyo nga bikaali agho, twabonayo baidhukulu ba Anaki.

Okubala 13:33

Era twabonayo ni baidhukulu ba Anaki abawaigufu, abasimuka mu Nefili. Ife twebona nga tuli ng'oti bwa masisi, era boona tutyo bwe twababonekera.”

Okubala 21:34

Aye Musengwa Katonda yaakoba Musa ati: “Otamutya, ndidha kukugha obughanguzi, omughangule n'abantu be boonaboona n'ekiketezo kye kyonakyona. Oidha kumukolaku nga bwe wakola ku kyabazinga Sihoni ow'Abamori eyafugiranga mu Heshiboni.”

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Amateeka Agokubiri 1:28

Kifo ki kye tuli kujaamu ekyo? Banaife be twatumye yo, batumazeemu amaani nga bakoba bati abantu abaliyo bakologho era baleeyiriri okutusinga. Ebibuga byayo bikologho era byezungulwirwa ebimante ebigumu ebituuka ku igulu. Era bati baabonayo n'abantu Abanaki!’”

Amateeka Agokubiri 9:1

“Imwe Abaisiraeli muwulire: Olwaleero muja kusomoka omwiga Yorudani, mwingire mutwale ensi ey'amaghanga agasinga eryaimwe obukologho n'amaani. Ebibuga byago bikologho, era byezungulwirwa ebimante ebigumu ebituuka ku igulu.

Amateeka Agokubiri 9:3

Agho ni mukimanhe muti Musengwa Katonda waimwe n'aidha okubakulemberangamu, ng'ali ng'oti muliro oguzikiriza buli kiri mu ngira yaagwo. Mwene aidha kughangula abantu abo nga mukaali kubatuukaku. Olwo musobole okubabingamu n'okubazikiriza amangu, nga bweyabasuubiza imwe.

Ab'e Filippi 4:13

Nsobola okugumira byonabyona olw'amaani Kurisito g'ampa.

Abaheburayi 11:33

Okwikiriza n'okwabasobozesa okughangula bakyabazinga, baakola ekituufu era baafuna ebyo Katonda bye yabasuubiza. Baalobera empologoma okwasama,

Yoshua 15:14

Kalebu yaabingamu baidhukulu ba Anaki abaava mu baana be bano: Sheshai, Ahimani ni Talumai.

Abalamuzi 1:20

Agho ekibuga Heburoni kyagheebwa Kalebu, nga Musa bwe yalagira. Kalebu yaabingamu abaidhukulu abaava mu baana ba Anaki abasatu.

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”