Yoshua 13:8 - Baibuli Ekibono kya Katonda 2014

⁸ Ebika bino: eky'Abareubeni, n'eky'Abagadi, n'ekitundu eky'ekika eky'Abamanasse, byali byamala okufuna ekiketezo Musa omugheereza wa Musengwa Katonda kye yabigha, nga kiri e buvandhuba wa Yorudani.

Yoshua 13:8 ပူးပေါင်းရင်းမြစ်များ

Okubala 32:19

Tituja kugabana nabo butaka ku luuyi lule olw'omwiga Yorudani n'okweyongerayo, kuba ife tumaze okufuna obutaka obwaife ku luuyi luno olw'e buvandhuba w'omwiga Yorudani ogwo.”

Amateeka Agokubiri 3:8

“Kale ni, mu biseera ebyo, twanhaga ensi dha bakyabazinga abo bombi Abamori abaabanga ere ng'osomoike Yorudani, okuva ku kiiko Arunoni okutuuka ku lusozi Herimoni.

Yoshua 12:1

Musa bweyali ng'akaakulemberamu Abaisiraeli, baaghangula bakyabazinga babiri abaali e buvandhuba wa Yorudani, era baabanhagaku ebiketezo byaibwe. Bakyabazinga abo baali bafuga ekiketezo okuva mu kiiko ekirimu omwiga Arunoni ku luuyi olw'omukono omusaadha olw'e buvandhuba, okutuuka ku kiiko ekirimu omwiga Yorudani e buvandhuba ew'omwiga ogwo, era n'okutuukira irala ku lusozi Herimoni ku luuyi olw'omukono omugooda ng'olingiriire e buvandhuba.

Yoshua 12:6

Bakyabazinga bano bombi baaghangulwa Abaisiraeli nga bakulemberwa Musa omugheereza wa Musengwa Katonda. Era bwe yamala, yaagabaniamu ekiketezo kyaibwe yaakigha eb'ekika kya Reubeni, n'ekya Gadi, n'ekitundu eky'ekika kya Manasse, ng'omugabo gwaibwe.

Yoshua 13:7

Kale ni mperaano ebiketezo ebyo bigabaniemu mu bika omwenda n'ekitundu eky'ekika eky'Abamanasse.”

Yoshua 13:9

Ekiketezo kino, kyali kiva ku Aroeri ekiri kumpi n'ekiiko ekirimu omwiga Arunoni, kyatwalizaamu ekibuga ekiri ghagati mu kiiko, era kyatwalizaamu n'omuseetwe oguva e Medeba okutuuka e Diboni.

Yoshua 22:4

Buti Musengwa Katonda oyo Katonda waimwe, aghaire Baisiraeli banaimwe abo emiraala nga bwe yabasuubiza. Kale, mwireyo mu maka gaimwe, mu kiketezo kye mwamala okutwala nga buti kyaimwe, e buvandhuba wa Yorudani, Musa omugheereza wa Musengwa Katonda kye yabagha.

Yoshua 4:12

Abasaadha ab'ekika kya Reubeni, n'ab'ekika kya Gadi, n'ekitundu eky'ab'ekika kya Manasse n'abaasala omwiga okusooka nga bakulembeiremu abantu abandi boonaboona, era nga beetegefu okulwana, nga Musa bwe yabakoba.

1 Samueli 13:7

Abandi ku Baisiraeli baabitira mu kifo omwiga Yorudani ghe gusomokerwa, baingira mu kiketezo kya Gadi n'ekya Gileadi. Saulo yali akaali e Giligali. Abantu boonaboona baamunonereza nga bali kudhugumira.