Yoshua 13:27 - Baibuli Ekibono kya Katonda 2014

²⁷ Era kyatwalizaamu ebibuga bino ebyali mu kiiko ekirimu Yorudani: Bethiharamu, Bethinimura, Sukkothi, ni Zafoni ekiketezo kino n'ekyafiikagho ku bwali obwakyabazinga bwa Sihoni eyali kyabazinga ow'e Heshiboni. Era omwiga Yorudani nga n'ogukola ensalosalo yaibwe ey'e bugwandhuba okutuukira irala ku Nhandha Galilaaya ku luuyi olw'omukono omugooda ng'olingiriire olw'e buvandhuba.

Yoshua 13:27 ပူးပေါင်းရင်းမြစ်များ

Amainhama 33:17

Aye Yakobo yaaja e Sukkothi, yeezimbira eyo endhu, era yaazimbira eyo n'ensolo dhe ebiyumba. Ekifo ekyo kyekyava kyetebwa eriina Sukkothi.

1 Bakyabazinga 7:46

Kyabazinga yakola ebintu ebyo mu kyuma ekisaanuusiibwa, ere mu kiketezo eky'oku museetwe gwa Yorudani, aghali eitaka ery'eitosi, ghagati gh'ebibuga Sukkothi ni Zarethani.

Zabbuli 60:6

Katonda yayogerera mu kifo kye ekitukuvu ati: “Mu kusagamba okw'obughanguzi, ndidha kwawuzayawuza mu Shekemu, era ngabaniegabaniemu ekikonko eky'e Sukkothi mu bantu bange.

Okubala 32:3

“Atarothi, ni Diboni, ni Yazeri, ni Nimura, ni Heshiboni, ni Eleale, ni Sebamu, ni Nebo, ni Beoni;

Okubala 32:36

Bethi Nimira, ni Bethi Harani, era baabyezunguluza ebimante ebigumu. Baazimbira n'ebyayo byaibwe ebigo.

Okubala 34:11

Ensalosalo eyo eidha kuvanga e Shefamu, eikirire e Ribula ku luuyi olw'e buvandhuba olwa Aini. Era eidha kweyongeranga okwikirira etuuke ku luuyi olw'e buvandhuba olw'enhandha Kinnerethi.

Luka 5:1

Agho olwatuuka, bwe yali ng'ayemereire ku mbali kw'enhandha Gennesareti, abantu nga bali kumwenhigirizaaku abaali benda okuwulira ekibono kya Katonda,

Amateeka Agokubiri 3:17

Mu bugwandhuba, ng'ekiketezo eky'ebika ebyo ebisatu kituuka ku mwiga Yorudani, okuva ku nhandha y'e Galilaaya ku luuyi lw'omukono omugooda olw'e buvandhuba. Olwo kyaserengeta ku Nhandha Eyomuunhu ku luuyi olw'omukono omusaadha olw'e buvandhuba, n'okutuuka ghansi gh'olusozi Pisiga mu buvandhuba.

Yoshua 11:2

Era yaagheereza obukwenda eri bakyabazinga ab'omu biketezo eby'oku nsozi ku luuyi olw'omukono omugooda olw'e buvandhuba, era n'ab'omu kiiko ekirimu omwiga Yorudani, n'ab'oku luuyi olw'omukono omusaadha olw'e buvandhuba w'enhandha Kinnerothi n'ab'omu biketezo eby'omu biiko, era n'ab'omu biketezo eby'oku nhandha kumpi ni Dori.

Yoshua 12:3

Yali era nga n'afuga ekiiko ekirimu Yorudani okuva ku nhandha ey'e Galilaaya okutuuka e Bethi Yeshimothi e buvandhuba ow'Enhandha Eyomuunhu. Obwakyabazinga buno nga butuuka mu kiiko eky'olusozi Pisiga.

Yoshua 13:26

Era nga kiva e Heshiboni kyatuuka e Ramathi Mizipe era n'e Betonimu. N'okuva e Mahanaimu okutuuka ku nsalosalo ni Lidebiri.

Yoshua 13:28

Ebibuga ebyo n'ebyalo byaku n'ebyagheebwa Abagadi ng'omugabo era ng'obutaka bwaibwe, nga bajiira ku nda edhaali mu kika omwo.