Yoshua 13:25 - Baibuli Ekibono kya Katonda 2014

²⁵ Ekiketezo kyaibwe kyali kitwalizaamu Yazeri, n'ebibuga bya Gileadi byonabyona. Era kyatwalizaamu ekitundu eky'ekiketezo eky'Abammoni okutuukira irala ku Aroeri ekiri e buvandhuba wa Rabba.

Yoshua 13:25 ပူးပေါင်းရင်းမြစ်များ

2 Samueli 11:1

Agho ng'omwaka gutoolera, mu biseera bakyabazinga ghe baajiiranga okulwana entalo, Daudi yaatuma Yoabu ng'ali n'abagheereza be ghalala n'Abaisiraeli boonaboona. Baaja baalumba Abammoni, baabaghangula era baazingiza ekibuga Rabba okukyezunguluza. Aye Daudi mwene yaasigala e Yerusalemu.

2 Samueli 12:26

Agho Yoabu yaalumba ekibuga Rabba eky'Abammoni, yaakigema.

2 Samueli 24:5

Baasomoka omwiga Yorudani, baaja okubala abantu nga basookera mu Aroeri ekiri ghagati mu kiiko, beeyongerayo mu kiketezo ky'e Gadi baatuuka e Yazeri.

1 Ebyomubyanda 26:31

Yeriya n'eyali omukulembeze wa Abalevi boonaboona abaasimuka mu Heburoni, nga bwe baabaghandiika nga bajiira ku nkalala edh'obuzaale bwaibwe oba ku nda dha baiseibwe. Mu mwaka ogwamakumi ana (40) nga Daudi ni kyabazinga, ghaaligho okunoonenkereza okwakolebwa ku Balevi abo abaasimuka mu Heburoni. Kyazuulibwa nga ghaaligho abalwani ab'amaani ab'oku lulyo lwaibwe abaali e Yazeri mu kiketezo ky'e Gileadi.

1 Ebyomubyanda 6:81

Heshiboni, ghalala n'ebyayiro byakyo ni Yazeri, ghalala n'ebyayiro byakyo.

Isaia 16:8

Amasamba g'e Heshiboni gakaze, n'emizabbibu gy'e Sibima gyona gikaze, gye baakunhangamu omwenge ogwatamiizanga abafuzi b'amaghanga. Amasamba g'emizabbibu egyo nga gaja gaatuukira irala e Yezeri, gaava eyo gaatuuka ku irungu, era gaava eyo gaabitira ku luuyi olundi, gaatuuka ere ku Nhandha Eyomuunhu.

Isaia 17:2

Ebibuga by'e Aroeri biidha kusigala nga biziramu bantu ebyanda n'ebyanda. Biidha kubanga byayiro bya ntaama na mbuzi, dhibenga omwo nga ghazira adhitiisa naire.

Yeremia 48:32

Ndidha kulira abantu b'e Sibuma okusingaku bwe ndira abantu b'e Yazeri. Iwe ekibuga Sibuma, oli ng'oti muzabbibu oguli n'ensaga endeeyiriri edhituuka ku Nhandha Eyomuunhu, ni dhituukira irala n'e Yazeri. Aye mperaano ole azikiriza agwire mu bibala byaimwe eby'ekyengera n'emizabbibu gyaimwe, yaabizikiriza.

Ezekieli 21:20

Laga engira kyabazinga mw'anaabisa empiima okutuuka ku kibuga Rabba eky'Abammoni, n'engira mw'anaagibisa okutuuka e Buyudaaya ku kibuga Yerusalemu ekyezungulwirwa ebimante ebigumu.

Amosi 1:14

Kale nja kusindika omuliro gwokye ekimante ekyezungulwire ekibuga Rabba, era gusenkeenhe ebifo byakyo byonabyona eby'okwewogomamu. Ghaja kubaagho okuleekaana ku lunaku olw'olutalo, era okulwana kuja kuwuuma ng'oti ni kiwunga ow'amaani.

Okubala 21:32

Era Musa yaatuma abantu baakeeta ekibuga Yazeri. Abaisiraeli baanhaga ebyalo byakyo, baabingamu Abamori abaali babibaamu.

Okubala 32:35

Aturothi Shofani, Yazeri, Yogubeha,

Amateeka Agokubiri 2:19

Bwe munaaba nga muli kumpi okutuuka mu nsi ey'Abammoni, mutabadaazadaaza era mutabatanulaku lutalo. Kuba imwe tija kubaghaaku kitundu waire ekitono kiti ku nsi yaibwe, okuba ekyaimwe. Ensi eyo namala ira okugigha Abammoni abo baidhukulu ba Loti, ebe yaibwe.’ ”

Amateeka Agokubiri 3:11

Kyabazinga ow'e Bashani oyo, Ogi, n'eyali akaasigairegho ku lulyo olw'Abarefa. Obuliri bwe nga bwa kyuma ekigumu einho. Bwali bugheza mita ina mu buleeyi, n'emita kumpi ibiri mu bugazi, ng'ojiira ku bipimo ebitongole abantu bye baapimisanga. Obuliri obwo bukaaliyo mu Rabba, ekibuga ky'Abamori.

Yoshua 13:11

Era kyatwalizaamu Gileadi n'ekiketezo eky'Abageshuri, n'eky'Abamaka, n'olusozi Herimoni lwonalwona, ni Bashani yeenayeena okutuuka e Saleka.

Yoshua 13:24

Musa yali amaze okugabira ekika eky'Abagadi obutaka bwaibwe ng'ajiira ku nda edhaali mu kika ekyo.

Yoshua 13:26

Era nga kiva e Heshiboni kyatuuka e Ramathi Mizipe era n'e Betonimu. N'okuva e Mahanaimu okutuuka ku nsalosalo ni Lidebiri.

Yoshua 21:39

Heshiboni, ni Yazeri, n'ebiketezo ebibyezungulwire omuli eisubi ery'okwayirangamu.

Abalamuzi 5:17

Ab'ekika kya Gadi baasigala ere ng'osomoike Yorudani. Ab'ekika kya Dani, kiki ekyabasigaza mu maato? Ab'ekika kya Asheri baaba ku bukalu bw'enhandha nga basiriike, beesigalira ku myalo.