Yoshua 13:15 - Baibuli Ekibono kya Katonda 2014

¹⁵ Musa yali amaze okugabira ekika eky'Abareubeni obutaka bwaibwe ng'ajiira ku nda edhaali mu kika omwo.

Yoshua 13:15 ပူးပေါင်းရင်းမြစ်များ

Amainhama 35:23

Batabane ba Leeya ni bano: Reubeni omwana wa Yakobo omuberi, ni Simeoni, ni Levi, ni Yuda, ni Issakari, ni Zebuluni.

Okuvaayo 6:14

Reubeni mutabane wa Yakobo omukulu yali n'abaana bano: Hamoki, Pallu, Hezironi, ni Karumi. Buli muntu ku abo yavaamu ekika. Edho n'enda edhaasimuka mu Reubeni.

Ezekieli 48:6

Ekika kya Reubeni kyona kirifuna omugabo mulala nga gwa kiketezo ekigabana ensalosalo endala n'ekiketezo eky'ekika kya Efuraimu. Nga kyona kiva ku nsalosalo ey'e buvandhuba kyatuuka ku y'e bugwandhuba.

Yoshua 13:14

Ekika eky'Abalevi ni kyonka Musa ky'ataagha mugabo. Omugabo gwaibwe nga guli na kuva ku ebyo ebigheebwayo eri Musengwa Katonda nga byokerwa ku alutaari nga Musengwa Katonda oyo bwe yalagira Musa.

Yoshua 13:16

Ekiketezo kyaibwe kyali kiva ku Aroeri ekiri kumpi n'ekiiko ekirimu omwiga Arunoni, kyatwalizaamu ekibuga ekiri ghagati mu kiiko ekyo, n'omuseetwe ogwezungulwire ekiketezo eky'e Medeba.

Yoshua 22:4

Buti Musengwa Katonda oyo Katonda waimwe, aghaire Baisiraeli banaimwe abo emiraala nga bwe yabasuubiza. Kale, mwireyo mu maka gaimwe, mu kiketezo kye mwamala okutwala nga buti kyaimwe, e buvandhuba wa Yorudani, Musa omugheereza wa Musengwa Katonda kye yabagha.

Abalamuzi 11:20

Aye Sihoni yaaloba kwesiga Baisiraeli kubita mu kiketezo kye. Kale yaasoloza eigye lye lyonalyona, baasimba weema dhaibwe e Yahazi, baalwanisa Abaisiraeli.