Yoshua 13:14 - Baibuli Ekibono kya Katonda 2014

¹⁴ Ekika eky'Abalevi ni kyonka Musa ky'ataagha mugabo. Omugabo gwaibwe nga guli na kuva ku ebyo ebigheebwayo eri Musengwa Katonda nga byokerwa ku alutaari nga Musengwa Katonda oyo bwe yalagira Musa.

Yoshua 13:14 ပူးပေါင်းရင်းမြစ်များ

Ezekieli 44:28

“Bakabona tibaabenga na kintu kyonakyona kya nsikirano. Nze Musengwa Katonda ninze obusika bwaibwe. Era mutabaghanga mugabo gwonagwona mu Isiraeli. Nze ninze omugabo gwaibwe.

Ezekieli 44:29

Baidha kulyanga ebyo abantu bye banaaleetanga, ng'ebigheebwayo eby'emere ey'empeke, ebigheebwayo olw'ebibi, n'ebigheebwayo ng'omutango. Na buli kintu kyonakyona ekinaagheebwangayo mu Isiraeli okuba ekyange kinaabanga kyaibwe.

Amateeka Agokubiri 10:9

Eyo n'ensonga lwaki ab'ekika kya Levi tibaafuna mugabo gwa itaka lya nsikirano ng'oti n'ab'ebika ebindi. Bo baagabanaku kya kuba bakabona ba Musengwa Katonda, nga Musengwa Katonda waimwe bweyabakoba beene.)

Amateeka Agokubiri 12:12

Mwidha kusagambiranga eyo mu maiso ga Musengwa Katonda waimwe, nga muli ghalala ni batabane baimwe, n'abairu baimwe abasaadha n'abakazi, n'Abalevi abali mu bibuga byaimwe kuba, Abalevi abo tibaja kufuna mugabo gwa itaka lya nsikirano, gwaibwe ku bwaibwe.

Amateeka Agokubiri 12:19

Mwegenderezenga mulobe kusuulirira Balevi, ekiseera kyonakyona kye munaamala nga muli balamu ku nsi.

Yoshua 13:13

Aye ate Abaisiraeli tibaabinga Bageshuri na Bamaaka, era nga baba nabo ghalala okutuusa ni ye buli eno.

Yoshua 13:15

Musa yali amaze okugabira ekika eky'Abareubeni obutaka bwaibwe ng'ajiira ku nda edhaali mu kika omwo.

Yoshua 13:33

Aye ekika eky'Abalevi tiyakigha mugabo. Yabakoba ati omugabo gwaibwe gwidha kuvanga ku binaagheebwangayo eri Musengwa Katonda wa Isiraeli.

Yoshua 18:7

Abalevi bazira mugabo mu imwe, kuba omugabo gwaibwe kugheereza Musengwa Katonda nga bakabona. Ate Abagadi, n'Abareubeni, n'Abamanasse ab'e buvandhuba, baamala ira okufuna emigabo gyaibwe e buvandhuba wa Yorudani, Musa omugheereza wa Musengwa Katonda gye yabagha.”