Yoshua 13:11 - Baibuli Ekibono kya Katonda 2014

¹¹ Era kyatwalizaamu Gileadi n'ekiketezo eky'Abageshuri, n'eky'Abamaka, n'olusozi Herimoni lwonalwona, ni Bashani yeenayeena okutuuka e Saleka.

Yoshua 13:11 ပူးပေါင်းရင်းမြစ်များ

Amainhama 37:25

Agho baatyama baalya. Baaja okulinga bati, nga balengera ekikunsu ky'Abaishimaeli abasuubuzi abava mu Gileadi, nga bali n'engamiya edheetwise obusando obw'akawoowo era n'obuwoowo obundi obwetebwa balamu ni mirra, nga babitwala e Misiri.

1 Ebyomubyanda 2:23

Aye obwakyabazinga bw'e Geshuri ni mu Aramu bwabanhagaku ebibuga bya Yairi ni Kenathi nkaaga, ghalala n'ebyalo ebibyezungulwire. Abantu boonaboona abaali eyo, nga n'abasimuka mu Makiri, lata wa Gileadi.

1 Ebyomubyanda 5:11

Ab'ekika kya Gadi baasenga ku luuyi olw'omukono omugooda olw'e buvandhuba w'Abareubeni, okuva e Bashani okutuukira irala e Saleka.

Okubala 32:29

“Ab'ekika kya Reubeni n'ab'ekya Gadi bwe balyetegeka okulwana, Musengwa Katonda ng'abakulembeiremu, ni basomoka n'imwe Yorudani, memale ni mughangula ekiketezo ekyo eky'e bugwandhuba wa Yorudani, mulibagha ekiketezo eky'e Gileadi ng'obutaka bwaibwe.

Amateeka Agokubiri 3:10

Twanhaga ekiketezo kyonakyona eky'obwakyabazinga bwa Ogi ow'e Bashani: ebibuga byonabyona eby'oku museetwe, n'ebiketezo byonabyona ebya Gileadi n'ebya Bashani, okutuukira irala e Saleka n'Edurei.”

Yoshua 11:3

Era yaagheereza obukwenda eri Abakanaani e buvandhuba n'e bugwandhuba bwa Yorudani, n'eri Abamori, Abahitti, Abaperizzi, n'Abayebusi abaali mu biketezo eby'oku nsozi, era n'eri Abahivi ab'e Mizipa mu kiketezo ky'omu kiiko ky'olusozi Herimoni.

Yoshua 13:10

Era kyeyongera kyatuukira irala ku nsalosalo ni Ammoni nga kitwaliizaamu ebibuga byonabyona ebyali bifugibwa Sihoni kyabazinga Omuamori ow'e Heshiboni.

Yoshua 13:2

ekiketezo eky'Abafilisiti n'eky'Abageshuri.

Yoshua 13:25

Ekiketezo kyaibwe kyali kitwalizaamu Yazeri, n'ebibuga bya Gileadi byonabyona. Era kyatwalizaamu ekitundu eky'ekiketezo eky'Abammoni okutuukira irala ku Aroeri ekiri e buvandhuba wa Rabba.

Yoshua 17:5

Eno n'ensonga lwaki Abamanasse baafuna emigabo ikumi okwongereza ku kiketezo eky'e Gileadi n'eky'e Bashani, ebiri ku luuyi olw'e buvandhuba olwa Yorudani.

1 Samueli 13:7

Abandi ku Baisiraeli baabitira mu kifo omwiga Yorudani ghe gusomokerwa, baingira mu kiketezo kya Gadi n'ekya Gileadi. Saulo yali akaali e Giligali. Abantu boonaboona baamunonereza nga bali kudhugumira.