Yoshua 12:5 - Baibuli Ekibono kya Katonda 2014

⁵ Obwakyabazinga bwe nga butwalizaamu olusozi Herimoni, n'ekiketezo ekyetebwa Saleka ni Bashani yeenayeena okutuuka ku nsalo y'ab'e Geshuri n'ab'e Maaka. Era nga ku Gileadi afugaku ekitundu okutuuka ku kiketezo kya Sihoni kyabazinga wa Heshiboni.

Yoshua 12:5 ပူးပေါင်းရင်းမြစ်များ

2 Samueli 13:37

Abusalomu yalumuka, yaaja ewa kyabazinga Talumai ow'e Geshuri mutabane wa Ammihudi. Kyabazinga Daudi yaaliranga mutabane we buli lunaku.

2 Samueli 15:8

Nze omugheereza wo bwe nali nga nkaali e Geshuri mu Aramu, neeyama nti, ‘Bwenebwene Musengwa Katonda bw'alindhizaayo e Yerusalemu, ndimusinziza mu Heburoni.’ ”

2 Samueli 23:34

Elifeleti mutabane wa Ahasibai ow'e Maaka, Eliamu mutabane wa Ahithofeli ow'e Gilo,

2 Samueli 3:3

Owokubiri yaaba Kileabu, inhina nga ni Abigaili namwandu wa Nabali ow'e Karumeli. Owokusatu yaaba Abusalomu, inhina nga ni Maaka, mughala wa Talumai eyali kyabazinga wa Geshuri.

2 Bakyabazinga 25:23

Ghaaligho abakulu mu magye ga Buyudaaya n'abaisirukale baibwe abaali mu irungu, nga bakaali kweghaayo. Bwe baawulira nga kyabazinga w'e Babilonia aghaire Gedalia obufuzi, baidha eri Gedalia oyo e Mizipa. Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi ow'e Netofa, ni Yaazania mutabane w'omusaadha ow'e Maaka.

1 Ebyomubyanda 5:11

Ab'ekika kya Gadi baasenga ku luuyi olw'omukono omugooda olw'e buvandhuba w'Abareubeni, okuva e Bashani okutuukira irala e Saleka.

Yeremia 40:8

Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi, ni batabane ba Efai ow'e Netofa, ni Yezania mutabane w'omusaadha ow'e Maaka. Era baidha nga bali ghalala n'abaisirukale baibwe.

Amateeka Agokubiri 3:14

Yairi ow'omu kika kya Manasse yatwala ekiketezo kyonakyona eky'e Arigobu ekyo nga ni Bashani. Ekiketezo ekyo nga kituukira irala ku nsalosalo ey'Abageshuri n'Abamaaka. Ebyalo ebyo byonabyona yaabituuma eriina lye, era bimanhiibwa ng'ebyalo bya Yairi n'okutuusa mpegaano.

Yoshua 11:3

Era yaagheereza obukwenda eri Abakanaani e buvandhuba n'e bugwandhuba bwa Yorudani, n'eri Abamori, Abahitti, Abaperizzi, n'Abayebusi abaali mu biketezo eby'oku nsozi, era n'eri Abahivi ab'e Mizipa mu kiketezo ky'omu kiiko ky'olusozi Herimoni.

Yoshua 12:1

Musa bweyali ng'akaakulemberamu Abaisiraeli, baaghangula bakyabazinga babiri abaali e buvandhuba wa Yorudani, era baabanhagaku ebiketezo byaibwe. Bakyabazinga abo baali bafuga ekiketezo okuva mu kiiko ekirimu omwiga Arunoni ku luuyi olw'omukono omusaadha olw'e buvandhuba, okutuuka ku kiiko ekirimu omwiga Yorudani e buvandhuba ew'omwiga ogwo, era n'okutuukira irala ku lusozi Herimoni ku luuyi olw'omukono omugooda ng'olingiriire e buvandhuba.

Yoshua 13:11

Era kyatwalizaamu Gileadi n'ekiketezo eky'Abageshuri, n'eky'Abamaka, n'olusozi Herimoni lwonalwona, ni Bashani yeenayeena okutuuka e Saleka.

1 Samueli 27:8

Mu kiseera ekyo Daudi n'Abasaadha be, baajanga baalumba Abageshuri, n'Abagirizi, n'Abamaleki, kuba okuva eira n'eira, abo n'abaali abatyamye ab'ekiketezo ekyo okutuukira irala e Shuri ku nsalosalo ni Misiri.