Yoshua 11:8 - Baibuli Ekibono kya Katonda 2014

⁸ Musengwa Katonda yaagha Isiraeli obughanguzi, baabingirira abazigu baibwe baabalwanisa okubatuukiza irala mu kibuga Sidoni Ekikologho n'e Misirefothi Maimu ku luuyi olw'omukono omugooda ng'olingiriire e buvandhuba. Era baababingirira n'okubatuukiza irala mu kiiko eky'e Mizipa ku luuyi olw'e buvandhuba. Baaja nga babalwanisa okutuusa lwe baabamalagho okubaita.

Yoshua 11:8 ပူးပေါင်းရင်းမြစ်များ

Amainhama 10:15

Kanaani yazaala Sidoni, omwana we omuberi, ni Hethi,

Amainhama 49:13

Zebuluni aidha kubanga kumpi n'enhanda. Ku bukalu bwe n'okunaabanga omwalo gw'amaato. Ensalosalo ye eidha kubanga ku Sidoni.

2 Samueli 24:6

Olwo baaja baatuuka e Gileadi n'e Kadeshi mu kiketezo eky'Abahitti. Beeyongerayo baatuuka e Dani, ate baava eyo beezungulula baaja e Sidoni.

Isaia 23:4

Oswaire iwe Sidoni! Enhandha ekwegaine n'amaadhi gaayo amangi, eti: “Nze tirumwangaku kuzaala, era tizaalangaku naire. Tikuzangaku mwana, k'abe mulenzi oba mughala.”

Zekaria 9:2

Hamathi ekigabana ensalosalo ni Haduraki kya Musengwa Katonda oyo, ni Tiro ni Sidoni ebirimu abantu abagezi einho byona bibye.

Amateeka Agokubiri 7:2

Musengwa Katonda waimwe bw'alita abantu abo mu ngalo dhaimwe ni mu baghangula, muteekwa okubasaaniagho boonaboona. Mutakolanga nabo ndagaano waire ndala eti, era mutabagemerwanga kivunika naire.

Amateeka Agokubiri 9:3

Agho ni mukimanhe muti Musengwa Katonda waimwe n'aidha okubakulemberangamu, ng'ali ng'oti muliro oguzikiriza buli kiri mu ngira yaagwo. Mwene aidha kughangula abantu abo nga mukaali kubatuukaku. Olwo musobole okubabingamu n'okubazikiriza amangu, nga bweyabasuubiza imwe.

Yoshua 10:20

Yoshua n'abasaadha be Abaisiraeli baita inho Abamori, aye abatonotono abaawonagho baaghanga okulumuka baatuuka mu bibuga byaibwe ebyaliku ebimante ebigumu einho.

Yoshua 11:3

Era yaagheereza obukwenda eri Abakanaani e buvandhuba n'e bugwandhuba bwa Yorudani, n'eri Abamori, Abahitti, Abaperizzi, n'Abayebusi abaali mu biketezo eby'oku nsozi, era n'eri Abahivi ab'e Mizipa mu kiketezo ky'omu kiiko ky'olusozi Herimoni.

Yoshua 11:7

Kale Yoshua n'abasaadha be baazinduukiriza abazigu bale, baabagwaku nga tibabeetegekeire, agho e Meromu ku mwiga.

Yoshua 13:6

Era ghaligho ekiketezo eky'Abasidoni kyonakyona ababa ghagati gh'ensozi dha Lebanoni ni Misirefothi Maimu kyona kiri n'okunhagibwa. Nze mwene ndidha kubingangayo abantu mu buli kiketezo Abaisiraeli ghe banaatuukanga. Iwe ky'oli n'okukola, n'okubagabaniamu ebiketezo ebyo nga bwe nakulagira.

Yoshua 19:28

n'Eburoni, n'e Rehobu, n'e Hammoni, n'e Kana, era yaatuukira irala e Sidoni ekikologho.

Yoshua 21:44

Musengwa Katonda yaabagha emiraala woonawoona mu kiketezo ekyo, era nga bwe yasuubiza badhaadha baibwe. Ku bazigu baibwe nga ghazira waire mulala ati asobola okubeegezaamu, kuba Musengwa Katonda ng'asobozesa Abaisiraeli okughangula abazigu baibwe abo boonaboona.