Yoshua 11:23 - Baibuli Ekibono kya Katonda 2014

²³ Kale atyo Yoshua bwe yanhaga ekiketezo ekyo kyonakyona eky'ensi, nga Musengwa Katonda bwe yalagira Musa. Yoshua yaamala yaakigabaniamu mu Baisiraeli boonaboona, buli kika nga kifunaku aghaakyo. Agho abantu baalekera okulwana entalo baafunaku emiraala.

Yoshua 11:23 ပူးပေါင်းရင်းမြစ်များ

Nehemia 9:24

Kale abaidhukulu abo bangira mu nsi eyo, baagitwala yaaba yaibwe ku bwaibwe. Waabaghangulira Abakanaani abaali abatyamye baamu. Bakyabazinga Abakanaani n'abantu baibwe, waabata mu ngalo dh'abaidhukulu abo, okubakola kye benda.

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Okuvaayo 34:11

Mugondere kye ndi kubalagira olwaleero, ndidha kubinga ye muja, Abamori, Abakanaani, Abahitti, Abaperizzi, Abahivi n'Abayebusi.

Ezekieli 45:8

Ogwo n'oguliba omugabo ogw'eitaka ogwa kyabazinga mu nsi Isiraeli. Olwo kyabazinga alobenga kutuntuza bantu bange, aye abalekenga bagabane mu bika byaibwe eitaka lyonalyona eririba lisigairegho.

Amateeka Agokubiri 1:38

aye omubeezi wo Yoshua, mutabane wa Nuni n'aligingiramu. Kale gumya Yoshua oyo omwoyo, kuba n'alituusa Abaisiraeli mu nsi eyo ni bagitwala ng'obutaka bwaibwe’.

Amateeka Agokubiri 25:19

Agho ni, Musengwa Katonda waimwe bw'alibagha okutyama mu nsi ni mutereera, n'atoolagho abazigu baimwe boonaboona ababeezungulwire mu nsi y'ali kubagha okuba obutaka bwaimwe, mulizikiriza Abamaleki abo mwabasaaniagho, baaloba kwidhukirwanga ku nsi. Muteerabiranga kukola ekyo.”

Yoshua 11:18

waire nga kyamutwalira ekiseera kireeyi okubalwanisa.

Yoshua 12:7

Bano ni bakyabazinga abaaghangulwa Abaisiraeli nga bakulemberwamu Yoshua: bakyabazinga abo boonaboona abaafuganga ekiketezo ekiri e bugwandhuba wa Yorudani okuva e Baalagada mu kiiko eky'e Lebanoni, okutuuka ku lusozi Halaka oluli okumpi n'ensi Edomu. Ekiketezo kino Yoshua yakigabaniamu mu bika ebya Abaisiraeli, buli kika kyafunaku omugabo gwakyo.

Yoshua 18:10

Yoshua yaabakubira obululu mu maiso ga Musengwa Katonda agho e Shilo. Yaagabira ebika omusanvu eby'Abaisiraeli ebyali bisigaire, ekiketezo ekyo.

Yoshua 22:4

Buti Musengwa Katonda oyo Katonda waimwe, aghaire Baisiraeli banaimwe abo emiraala nga bwe yabasuubiza. Kale, mwireyo mu maka gaimwe, mu kiketezo kye mwamala okutwala nga buti kyaimwe, e buvandhuba wa Yorudani, Musa omugheereza wa Musengwa Katonda kye yabagha.

Yoshua 23:1

Nga ghabiseegho ekiseera kireeyi inho, era nga Musengwa Katonda amaze okugha Abaisiraeli emiraala, nga baliraanwa baibwe ti bakaabalumba, Yoshua yali akairiighe inho.