Yoshua 11:22 - Baibuli Ekibono kya Katonda 2014

²² Mu biketezo byonabyona eby'Abaisiraeli timwasigala Muanaki waire mulala, okutoolaku abatonotono abaasigalaku mu Gaza, Gathi ni mu Ashidodi.

Yoshua 11:22 ပူးပေါင်းရင်းမြစ်များ

1 Bakyabazinga 2:39

Aye nga ghabiseegho emyaka esatu, babiri ku bairu ba Shimei baalumuka, baaja eri Akishi mutabane wa Maaka, kyabazinga w'e Gathi. Abantu baakobera Shimei bati: “Bona eno, abairu bo bali mu Gathi.”

1 Ebyomubyanda 18:1

Ebyo bwe byawa, Daudi kabiri yaalwana n'Abafilisiti yaabaghangula, era yaabanhagaku ekibuga Gathi n'obubuga obukyezungulwire.

1 Ebyomubyanda 8:13

Beria ni Shema n'abaali abakulu b'enda dha badhaadha b'abantu ab'e Aiyaloni, abaaja e Gathi ni babingayo abatyamye baayo.

2 Ebyomubyanda 26:6

Uzzia oyo yaaja yaalumba Abafilisiti, yaabalwanisa, yaamenhagho ebimante eby'oku bibuga, Gathi, ni Yabune, ni Ashidodi. Era yaazimba ebibuga mu biketezo by'e Ashidodi, n'aghandi mu nsi y'Abafilisiti.

Isaia 20:1

Agho kyabazinga Sarugoni ow'e Assiria yaatuma omuduumizi w'eigye lye, yaidha yaalumba ekibuga Ashidodi era yaakigema.

Ebikolwa by'Abatume 8:40

Filipo yaaboneka mu Azoto, yaabitabita mu bibuga byonabyona ng'aja ng'akobera abantu Amawulire Amalungi okutuuka e Kaisaria.

Amateeka Agokubiri 2:23

Ate ebiketezo ebiiririra okutuukira irala e Gaza, byabangamu Abavvi. Aye Abafilisiti abaava e Filisitia, baabazikiriza, beene baasenga mu kifo kyaibwe.

Amateeka Agokubiri 9:2

Abantu baamu bakologho era baleeyiriri baidhukulu ba Anaki abawaigufu, be mwawuliraku nga baboogeraku bati, ghazira asobola kukana kubalwanisa.

Yoshua 10:41

Yabaghangula okuva e Kadeshi Barinea okutuuka e Gaza, era n'okuva ku kiketezo eky'e Gosheni okutuukira irala e Gibeoni.

Yoshua 15:14

Kalebu yaabingamu baidhukulu ba Anaki abaava mu baana be bano: Sheshai, Ahimani ni Talumai.

Yoshua 15:46

N'ebibuga ebiriiraine Ashidodi, n'ebyalo byaku okuva e Ekuroni okutuuka ku Nhandha Eyaghagati.

Yoshua 15:47

Era baagheebwayo ekiketezo ekindi nga kirimu ebibuga bino: Ashidodi ni Gaza, n'ebibuga ebitonotono ebibiriiraine, n'ebyalo byaku, okutuuka ku mwiga ogukola ensalosalo ni Misiri n'ebifo eby'oku Nhandha Eyaghagati.

Abalamuzi 1:18

Era ab'ekika kya Yuda abo baaghangula n'ebibuga bino: Gaza, ni Ashikeloni, ni Ekuroni, ghalala n'ebiketezo ebibyezungulwire.

Abalamuzi 3:3

Abantu abaalekebwa mu nsi eyo ni bano: abantu ab'omu bibuga eby'Abafilisiti ebitaanu n'abafuzi baibwe, n'Abakanaani boonaboona, n'Abasidoni, n'Abahivi abatyamye b'omu nsozi dh'omu Lebanoni, okuva ku lusozi Baali Herimoni okutuuka gh'oingirira e Hamathi.

1 Samueli 17:4

Mu balwani Abafilisiti mwalimu eyali abasinga boonaboona, nga bamweta Goliathi ow'omu kibuga Gathi. Obuleeyi yali agheza kumpi mita isatu.

1 Samueli 5:1

Abafilisiti bwe baamala okunhaga Esanduuku ey'Endagaano ya Katonda baagitoola mu Ebenezeri, baagitwala mu Ashidodi.