Yoshua 11:15 - Baibuli Ekibono kya Katonda 2014

¹⁵ Nga Musengwa Katonda bwe yalagira Musa omugheereza we, yeena Musa bwe yalagira Yoshua. Era Yoshua oyo yaakola byonabyona Musengwa Katonda bye yalagira Musa aghazira kulekayo naire ekintu ekirala.

Yoshua 11:15 ပူးပေါင်းရင်းမြစ်များ

2 Ebyomubyanda 30:12

Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

Okubala 33:50

Bwe baali eyo e Yeriko, mu biketezo by'e Moabu eby'oku museetwe okuliiraana omwiga Yorudani, Musengwa Katonda yaakoba Musa

Okubala 33:52

mwidha kubingangamu abatyamye baamu boonaboona be munaayagaanangamu, muzikirizenga ebifaananie byaibwe byonabyona ebibaadhe mu mabaale, n'ebyo ebyakolebwa mu kyuma ekisaanuusiibwa, era musaaniengagho ebifo byaibwe ebigulumivu eby'okusinzizaamu.

Matayo 23:23

“Mukagwireku Abanamateeka n'Abafarisaayo, abakuusa imwe, kuba mughaayo ekitundu kirala kirala ku buli bitundu ikumi eky'obuwoowo obuwoomesa eiva, nga buno: eduosimo, anetho, ni kumino. Aye mwaleka ebisinga obukulu ebiri mu Mateeka, bino: Okukolera banaimwe ebibagwaniire, ekisa, n'okwikiriza. Ebyo mugwaine okubikola ate ni bire obutabireka.

Luka 11:42

“Aye mukagwireku Abafarisaayo! Mugha ekitundu kirala kirala ku buli bitundu ikumi ebya kakubansiri na buli isubi, aye mwaloba kufaayo ku kukolera bantu ebibagwaniire ni ku kugonza Katonda! Ate nga bino muteekwa okubikola, aye ni bire obutabireka.

Ebikolwa by'Abatume 20:20

Mwidhi nga ghazira kiisi kintu kyonakyona kiganhula, kye nabagisa. Nakibeegeresanga ghalala era naabeegeresa ndhu ku ndhu.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Amateeka Agokubiri 12:32

“Mufubenga okutuukiriza buli kye mbalagira. Mutabangaku kye mwongeraku, waire kye mukendeezaaku.

Amateeka Agokubiri 31:3

Musengwa Katonda waimwe n'aidha okubakulemberamu nga musomoka, azikirize abamaghanga agaliyo, nga mukaali kutuukayo, olwo mughange okutwala ensi yaibwe. Era Yoshua n'aidha okubakulembera okusomoka, nga Musengwa Katonda bwe yakoba.

Amateeka Agokubiri 31:5

Musengwa Katonda aidha kuta abantu abo mu ngalo dhaimwe, mubakoleku nga bwe mbalagiire.

Amateeka Agokubiri 31:7

Agho Musa yaayeta Yoshua, yaamukobera agho mu maiso g'Abaisiraeli boonaboona ati: “Ba mugumu era mumalirivu. Niiwe oidha okukulembera abantu bano okuja okutwala ensi Musengwa Katonda ye yasuubiza okugha badhaadha baibwe.

Amateeka Agokubiri 4:2

Mutayongeranga kintu kyonakyona ku bye ndi kubalagira, waire okubikendeezaaku. Mugemenga ebiragiro bya Musengwa Katonda waimwe bye ndi kubagha.

Amateeka Agokubiri 4:5

“Nze mbeegereisa amateeka n'ebiragiro nga Musengwa Katonda wange bweyandagira. Mubigemenga, nga muli mu nsi ye muja okwingiramu okutwala.

Amateeka Agokubiri 7:2

Musengwa Katonda waimwe bw'alita abantu abo mu ngalo dhaimwe ni mu baghangula, muteekwa okubasaaniagho boonaboona. Mutakolanga nabo ndagaano waire ndala eti, era mutabagemerwanga kivunika naire.

Yoshua 1:7

Iwe ky'oli n'okukola, n'okuba n'obumalirivu era n'obutatya nga weegendereza okugondera amateeka goonagoona, omugheereza wange Musa ge yakugha. Togavangaku waire akatono kati, olwo buli kintu kiidha kukujiiranga bukalamu woonawoona.

Yoshua 11:12

Yoshua yaagema ebibuga eby'omu kiketezo ekyo byonabyona, yaita bakyabazinga baamu n'abantu baibwe boonaboona, nga Musa omugheereza wa Musengwa Katonda bwe yalagira.

Yoshua 11:14

Ebintu byonabyona Abaisiraeli bye baanhaga mu bibuga ebyo era n'ebyayo, baabyetwalira, aye abantu boonaboona nga babaita aghazira kulekagho naire mulala nga mulamu.

Yoshua 11:16

Bino n'ebiketezo Yoshua n'abasaadha be bye baanhaga: ebiketezo eby'ensozi n'eby'oku luuyi olw'omukono omugooda olw'e buvandhuba, ebiketezo by'e Gosheni n'eby'omu kiiko, ebiketezo eby'e Araba, ebiketezo bya Isiraeli eby'ensozi n'eby'omu kiiko,

1 Samueli 15:11

“Neidhwisa okuba nga nafuula Saulo kyabazinga, kuba anviireku yaalekera agho okuwulira ebiragiro byange.” Agho Samueli yaasungughala, obwire bwonabwona yaasula nga yeegayirira Musengwa Katonda.