Yoshua 11:12 - Baibuli Ekibono kya Katonda 2014

¹² Yoshua yaagema ebibuga eby'omu kiketezo ekyo byonabyona, yaita bakyabazinga baamu n'abantu baibwe boonaboona, nga Musa omugheereza wa Musengwa Katonda bwe yalagira.

Yoshua 11:12 ပူးပေါင်းရင်းမြစ်များ

Amateeka Agokubiri 7:2

Musengwa Katonda waimwe bw'alita abantu abo mu ngalo dhaimwe ni mu baghangula, muteekwa okubasaaniagho boonaboona. Mutakolanga nabo ndagaano waire ndala eti, era mutabagemerwanga kivunika naire.

Amateeka Agokubiri 9:3

Agho ni mukimanhe muti Musengwa Katonda waimwe n'aidha okubakulemberangamu, ng'ali ng'oti muliro oguzikiriza buli kiri mu ngira yaagwo. Mwene aidha kughangula abantu abo nga mukaali kubatuukaku. Olwo musobole okubabingamu n'okubazikiriza amangu, nga bweyabasuubiza imwe.

Yoshua 10:20

Yoshua n'abasaadha be Abaisiraeli baita inho Abamori, aye abatonotono abaawonagho baaghanga okulumuka baatuuka mu bibuga byaibwe ebyaliku ebimante ebigumu einho.

Yoshua 10:28

Era ku lunaku olwo, Yoshua yaagema ekibuga Makkeda, yaita kyabazinga waamu, n'abantu abaalimu boonaboona yaabazikiriza. Kye yakola kyabazinga ow'e Yeriko ni kyene ekyo kye yakola kyabazinga ow'e Makkeda.

Yoshua 10:30

Kino kyona Musengwa Katonda yaakibata mu ngalo baakighangula. Baita kyabazinga waamu, n'abantu boonaboona baabazikiriza. Kye yakola kyabazinga ow'e Yeriko ni kyene ekyo kye yakola kyabazinga ow'e Libuna.

Yoshua 10:32

Ku lunaku olwokubiri Musengwa Katonda yaakibata mu ngalo baakighangula. Baita buli muntu eyali mu kibuga omwo ng'oti ni bwe baakola abaali mu Libuna.

Yoshua 10:35

Ku lunaku lwene olwo baakighangula. Baita buli muntu eyali mu kibuga omwo ng'oti ni bwe baakola abaali mu Lakishi.

Yoshua 10:37

Baakigema era baita kyabazinga waamu n'abantu boonaboona abaakirimu. Baaja ni mu bibuga ebyali biriiraine Heburoni, yoona baitayo abantu abaaliyo boonaboona. Yoshua yaalagira abasaadha be okuzikiriza ekibuga kyonakyona nga bwe baazikiriza Eguloni. Ghaabulagho omuntu ye baaleka nga mulamu.

Yoshua 11:13

Aye ghazira kibuga kyonakyona kyazimbibwa ku kasozi, Baisiraeli kye baayokya okutoolaku Hazori Yoshua kye yayokya.

Yoshua 11:15

Nga Musengwa Katonda bwe yalagira Musa omugheereza we, yeena Musa bwe yalagira Yoshua. Era Yoshua oyo yaakola byonabyona Musengwa Katonda bye yalagira Musa aghazira kulekayo naire ekintu ekirala.

Yoshua 13:6

Era ghaligho ekiketezo eky'Abasidoni kyonakyona ababa ghagati gh'ensozi dha Lebanoni ni Misirefothi Maimu kyona kiri n'okunhagibwa. Nze mwene ndidha kubingangayo abantu mu buli kiketezo Abaisiraeli ghe banaatuukanga. Iwe ky'oli n'okukola, n'okubagabaniamu ebiketezo ebyo nga bwe nakulagira.

Yoshua 21:44

Musengwa Katonda yaabagha emiraala woonawoona mu kiketezo ekyo, era nga bwe yasuubiza badhaadha baibwe. Ku bazigu baibwe nga ghazira waire mulala ati asobola okubeegezaamu, kuba Musengwa Katonda ng'asobozesa Abaisiraeli okughangula abazigu baibwe abo boonaboona.

Yoshua 8:31

Yagizimba ng'ajiira ku ebyo Musa omugheereza wa Musengwa Katonda bye yagalagira Abaisiraeli, nga bwekiri mu mateeka ga Musa oyo, nti: alutaari ezimbwa na mabaale gatali mateme gaaku na kyuma. Ku alutaari okwo baagheeraku Musengwa Katonda emisengo egyokebwa, era n'ebigheebwayo olw'okutabagana.

Yoshua 8:8

Bwe mumala okukigema mukikunaanieku omuliro, nga Musengwa Katonda bwe yalagira. Mugeme ebiragiro ebyo obutabivaaku.”

Yoshua 9:24

Baamwiramu bati: “Ekyatukoza ekyo lwa kuba ife abagheereza bo twawulira aghazira kubuusabuusa, nga Musengwa Katonda waimwe yalagira omugheereza we Musa, okubagha ekiketezo kino kyonakyona, era n'okuzikiriza abantu baamu boonaboona kiisi ye munaabanga muja. Kale twatya inho nga mwidha kutwita.