Yoshua 10:41 - Baibuli Ekibono kya Katonda 2014

⁴¹ Yabaghangula okuva e Kadeshi Barinea okutuuka e Gaza, era n'okuva ku kiketezo eky'e Gosheni okutuukira irala e Gibeoni.

Yoshua 10:41 ပူးပေါင်းရင်းမြစ်များ

Amainhama 10:19

Ekiketezo eky'Abakanaani nga kiva mu Sidoni, kyaja nga kyolekeire e Gerari kyatuuka e Gaza era kyaja nga kyolekeire e Sodoma, Gomorra, Adama ni Zeboiimu, kyatuukira irala e Lasha.

1 Bakyabazinga 3:5

Bwe yali ng'ali eyo e Gibeoni, Musengwa Katonda yaamubonekera obwire mu kirooto, yaamukoba ati: “Saba ky'oyenda, nkughe.”

Zekaria 9:5

Ekibuga Ashikeloni kiribona ebyo, kyatya. Gaza kiritengera olw'obulumi, ni Ekuroni kyona kyalumwa okubona ng'eisuubi lyakyo liwoiregho. Gaza kirifiirwa kyabazinga waakyo, ni Ashikeloni kyasigala agho kityo nga kiziramu bantu.

Okubala 13:26

Baaja ye Musa ni Aaroni, ni y'Abaisiraeli boonaboona nga beesoloiza e Kadeshi mu irungu ery'e Parani, baabakobera bye baabonayo, era baabooleka ni ku bibala bye baatoolayo.

Okubala 32:8

Ekyo badhaadha baimwe boona kye baakola, bwe nabasindika nga tuli e Kadeshi Barinea okukeeta ensi eyo.

Okubala 34:4

Agho eidha kukyukanga esimbire ku luuyi olw'omukono omusaadha olw'e buvandhuba, eniineniine Akirabbimu era ebite kumpi ni Zini. Era ku luuyi olwo eidha kukomanga ku Kadeshi Barinea. Olwo eidha kukyukanga esimbire ghagati gh'e bugwandhuba n'oluuyi olw'omukono omugooda olw'e buvandhuba, etuuke mu Hazari Addari, era yeeyongereyo mu Azimoni.

Ebikolwa by'Abatume 8:26

Agho, malaika wa Musengwa yaakoba Filipo ati: “Situka oje n'engira ku luuyi olw'omukono omusaadha olw'e buvandhuba, ogeme engira ebita mu irungu eva e Yerusalemu okuja e Gaza.”

Amateeka Agokubiri 1:19

“Twakola nga Musengwa Katonda waife bweyatulagira, twava ku lusozi Sinai. Twatambula okubita mu irungu eryo lyonalyona einene era eritiisa lye mwabona, nga tugemye engira eja mu nsi y'ensozi ey'Abamori, twatuuka e Kadeshi Barinea.

Amateeka Agokubiri 2:23

Ate ebiketezo ebiiririra okutuukira irala e Gaza, byabangamu Abavvi. Aye Abafilisiti abaava e Filisitia, baabazikiriza, beene baasenga mu kifo kyaibwe.

Amateeka Agokubiri 9:23

Era Musengwa Katonda bweyabasindika okuva e Kadeshi Barinea ng'akoba ati, ‘Muje mutwale ensi ye mbaghaire’, mwadheemera ekiragiro kye. Musengwa Katonda waimwe timwamwesiga, waire okugondera ky'akoba.

Yoshua 10:12

Olunaku Musengwa Katonda lwe yagha Abaisiraeli obughanguzi ni baghangula Abamori, Yoshua yaakoba Musengwa Katonda ebibono bino, ng'Abaisiraeli boonaboona bawulira, ati: “Iwe endhuba yemerera agho e Gibeoni era tovaagho; n'iwe omwezi obe ghaigulu gh'ekiiko eky'e Aiyaloni.”

Yoshua 10:2

Kuba Gibeoni kyali kibuga kinene ng'ebibuga ebinene bwe byali, ebyalingamu bakyabazinga. Kyali kinene okusinga Ayi, era n'abasaadha baamu baali baidhi inho okulwana entalo.

Yoshua 11:16

Bino n'ebiketezo Yoshua n'abasaadha be bye baanhaga: ebiketezo eby'ensozi n'eby'oku luuyi olw'omukono omugooda olw'e buvandhuba, ebiketezo by'e Gosheni n'eby'omu kiiko, ebiketezo eby'e Araba, ebiketezo bya Isiraeli eby'ensozi n'eby'omu kiiko,

Yoshua 11:22

Mu biketezo byonabyona eby'Abaisiraeli timwasigala Muanaki waire mulala, okutoolaku abatonotono abaasigalaku mu Gaza, Gathi ni mu Ashidodi.

Yoshua 15:51

Gosheni, Holoni, ni Gilo. Bino byali ebibuga ikumi na kirala n'ebyalo byaku.

Abalamuzi 16:1

Samusoni yaaja e Gaza, yaabonayo omukazi malaaya, yaaba naye mu buliri.

Abalamuzi 16:21

Abafilisiti baamugema, baamutundulamu amaiso. Era baamutwala e Gaza, baamusibisa endhegere edh'ekyuma eky'ekikomo, baamuta ku mulimo ogw'okuseeranga ku lubengo mu ikomera.

1 Samueli 6:17

Bino n'ebiwumbe ebyakolebwa nga bifaanana ng'oti bizimba, Abafilisiti bye baagheereza Musengwa Katonda bibe ekigheebwayo ng'omutango: ekirala olw'ekibuga Ashidodi, ekindi olw'ekibuga Gaza, n'ekindi olw'ekibuga Ashikeloni, n'ekindi olw'ekibuga Gathi, era n'ekindi olw'ekibuga Ekuroni.