Yoshua 10:40 - Baibuli Ekibono kya Katonda 2014

⁴⁰ Atyo Yoshua ni bwe yaghangula ebiketezo ebyo byonabyona ni bakyabazinga baamu: ebiketezo n'eby'oku nsozi, n'eby'oku buserengeto, n'eby'omu biiko, n'eby'oku luuyi olw'omukono omusaadha olw'e buvandhuba ebyali ebikalukalu. Nga ghazira mulamu y'alekagho, aye nga boonaboona abazikiriza nga Musengwa Katonda wa Isiraeli bwe yalagira.

Yoshua 10:40 ပူးပေါင်းရင်းမြစ်များ

1 Bakyabazinga 15:29

Era olwamala okufuuka kyabazinga ati, ng'atoolera kwita ba ndhu ya Yeroboamu boonaboona okubasaaniagho, nga Musengwa Katonda bwe yayogera ng'abita mu mugheereza we omulanzi Ahiya ow'e Shilo.

Nehemia 9:24

Kale abaidhukulu abo bangira mu nsi eyo, baagitwala yaaba yaibwe ku bwaibwe. Waabaghangulira Abakanaani abaali abatyamye baamu. Bakyabazinga Abakanaani n'abantu baibwe, waabata mu ngalo dh'abaidhukulu abo, okubakola kye benda.

Zabbuli 9:17

Abakozi b'ebibi, n'abo boonaboona abava ku Katonda, ba kuja magombe.

Okuvaayo 34:12

Mwegendereze mubone nga timukola ndagaano n'abantu be mulyagaana mu nsi ye muli kujaamu, kuba ekyo kisobola okubaleetera okwonoona.

Okubala 13:17

Agho musa yaabatuma okukeeta mu nsi Kanaani, ng'abakoba ati: “Muje mubitire mu kiketezo ekikalukalu eky'oku luuyi olw'omukono omusaadha olw'e buvandhuba, mungire mu kiketezo eky'ensozi.

Amateeka Agokubiri 1:7

Mpegaano mukole muje, mweyongere mu lugendo lwaimwe. Muje mu biketezo eby'oku nsozi eby'Abamori, ni mu biketezo byonabyona ebibiriiraine: mu kiiko kya Yorudani, ni mu biiko ebindi, ni mu nsozi, ni mu biketezo ebikalukalu eby'oku luuyi olw'omukono omusaadha olw'e buvandhuba, n'eby'oku Nhandha Eyaghagati. Muje mu nsi y'Abakanaani, ni mu nsozi edh'e Lebanoni, okutuukira irala ku mwiga omukologho Eufurate.

Amateeka Agokubiri 2:34

Mu biseera ebyo twanhaga ebyali ebibuga bye byonabyona, twabizikiriza n'abantu boonaboona, abasaadha, n'abakazi, n'abaana abato, aghazira kulekagho waire omulala ati.

Amateeka Agokubiri 7:24

Alita bakyabazinga baibwe mu ngalo dhaimwe, mwabazikiriza beerabirwa ku nsi. Tighaliba muntu waire omulala alisobola kubalobera mulibasaaniagho boonaboona.

Yoshua 10:35

Ku lunaku lwene olwo baakighangula. Baita buli muntu eyali mu kibuga omwo ng'oti ni bwe baakola abaali mu Lakishi.

Yoshua 10:37

Baakigema era baita kyabazinga waamu n'abantu boonaboona abaakirimu. Baaja ni mu bibuga ebyali biriiraine Heburoni, yoona baitayo abantu abaaliyo boonaboona. Yoshua yaalagira abasaadha be okuzikiriza ekibuga kyonakyona nga bwe baazikiriza Eguloni. Ghaabulagho omuntu ye baaleka nga mulamu.

Yoshua 10:39

baakighangula era baita kyabazinga waamu n'abantu boonaboona abaakirimu. Era baalumba n'ebibuga ebindi ebiriiraine ekibuga ekyo Debiri, baabighangula era baita n'abantu abaabirimu ng'oti ni bwe baakola Heburoni ni Libuna, ni bakyabazinga baamu.

Yoshua 11:16

Bino n'ebiketezo Yoshua n'abasaadha be bye baanhaga: ebiketezo eby'ensozi n'eby'oku luuyi olw'omukono omugooda olw'e buvandhuba, ebiketezo by'e Gosheni n'eby'omu kiiko, ebiketezo eby'e Araba, ebiketezo bya Isiraeli eby'ensozi n'eby'omu kiiko,

Yoshua 12:8

Mu kiketezo kino n'omwali ebitundu eby'ensozi, n'eby'omu kiiko, ni Araba ekiiko ekirimu omwiga Yorudani, n'obuserengeto, n'eirungu ku luuyi olw'omukono omusaadha olw'e buvandhuba. Yoshua n'Abaisiraeli nga bakaali kunhaga kiketezo kino, mwalingamu Abahitti, Abamori, Abakanaani, Abaperizzi, Abahivi n'Abayebusi.

Yoshua 18:21

Ebibuga ghalala n'ebyalo byaku ebyagheebwa ekika eky'Ababenjamini nga bajiira ku nda dhaibwe byali nga ni bino: Yeriko, Bethi Hogula. Emeki Kezizi,

Yoshua 6:17

Era mukizikirize n'ebikirimu byonabyona, kibe ng'ekigheebwayo eri Musengwa Katonda. Okutoolaku Rahabu malaaya, ni boonaboona b'ali nabo mu ndhu ye, abo n'abali n'okulekebwa nga balamu, kuba yakweka mu ndhu ye abakwenda be twatuma.

Yoshua 8:2

Kye mwakola Yeriko ni kyabazinga waakyo, kye mube mukole ekibuga Ayi ni kyabazinga waakyo. Aye ku luno musobola okutwala kye munaaba munhaze, ng'ebintu n'ensolo. Mubazinduukirize mubagweku nga mubava inhuma.”

Yoshua 8:27

Abaisiraeli baatwala ensolo n'ebintu ebindi bye baanhaga mu kibuga, nga Musengwa Katonda bwe yakoba Yoshua.

Yoshua 9:24

Baamwiramu bati: “Ekyatukoza ekyo lwa kuba ife abagheereza bo twawulira aghazira kubuusabuusa, nga Musengwa Katonda waimwe yalagira omugheereza we Musa, okubagha ekiketezo kino kyonakyona, era n'okuzikiriza abantu baamu boonaboona kiisi ye munaabanga muja. Kale twatya inho nga mwidha kutwita.