Yoshua 10:20 - Baibuli Ekibono kya Katonda 2014

²⁰ Yoshua n'abasaadha be Abaisiraeli baita inho Abamori, aye abatonotono abaawonagho baaghanga okulumuka baatuuka mu bibuga byaibwe ebyaliku ebimante ebigumu einho.

Yoshua 10:20 ပူးပေါင်းရင်းမြစ်များ

2 Samueli 20:6

Daudi n'okukoba Abishai ati: “Sheba oyo mutabane wa Bikiri aidha kutukola ekibi ekiwulaku n'ekya Abusalomu kye yatukola. Kale twala ku bagheereza bange omubingirire, ng'akaali na kwefunira bibuga ebiriku ebimante ebigumu, kutufuukira kizibu.”

1 Bakyabazinga 20:21

Kyabazinga wa Isiraeli yaalwana olutalo, yaanhaga embalaasi n'ebigaali eby'omu lutalo, era yaita Abasiria kamaala inho.

2 Ebyomubyanda 13:17

Abiya n'eigye lye, baaghangulira irala Abaisiraeli era Abaisiraeli abo baafiirwa abalwani baibwe ab'amaani einho, abaghera emitwalo amakumi ataanu (500,000).

Yeremia 4:5

Mulangirire mu Buyudaaya ni mu Yerusalemu, mukobe abantu muti: “Mufuuwe amagwala mu kiketezo ekyo, mwete abantu n'amaani, muti, ‘Mwesoloze, mwidhe tuje tulumukire mu bibuga ebyezungulwirwa ebimante ebigumu.

Yeremia 8:14

Agho abantu ba Musengwa Katonda baakoba bati: “Lwaki tutyaime bwa ghano? Mukole twesoloze, tuje mu bibuga ebyezungulwirwa ebimante ebigumu tufiire eyo. Musengwa Katonda waife atughaireyo tufe. Atughaire amaadhi agalimu eirogo tunhwe, olw'okuba twakola ebibi twamusungughaza.

Amateeka Agokubiri 20:16

“Aye bwe munaaghambanga ebibuga ebibiri mu nsi Musengwa Katonda waimwe y'ali kubagha, mutalekangagho kiramu waire ekirala nga kikaagheera.

Yoshua 10:10

Musengwa Katonda yaaleetera Abamori abo okutya einho nga baboine Abaisiraeli. Abaisiraeli baita inho Abamori abo e Gibeoni, era baababingirira nga bagemye engira ebita ku lusozi Bethi Horoni. Baaja nga babaita okutuukira irala e Azeka n'e Makkeda.

Yoshua 10:19

Aye imwe mutasigala agho, muje mu maiso n'okubingirira abazigu, mubave einhuma mubagweku, era timubaganha kungira mu bibuga byaibwe. Musengwa Katonda waimwe ababaghaire mwidha kubaghangula.”

Yoshua 10:21

Agho abasaadha ba Yoshua boonaboona baira y'ali e Makkeda, ye baasimba weema dhaibwe, nga balamu be dherengerere. Era olwo nga ghazira akana n'ayogera ku Baisiraeli waire ekibono ekirala kiti.

Yoshua 11:12

Yoshua yaagema ebibuga eby'omu kiketezo ekyo byonabyona, yaita bakyabazinga baamu n'abantu baibwe boonaboona, nga Musa omugheereza wa Musengwa Katonda bwe yalagira.

Yoshua 11:8

Musengwa Katonda yaagha Isiraeli obughanguzi, baabingirira abazigu baibwe baabalwanisa okubatuukiza irala mu kibuga Sidoni Ekikologho n'e Misirefothi Maimu ku luuyi olw'omukono omugooda ng'olingiriire e buvandhuba. Era baababingirira n'okubatuukiza irala mu kiiko eky'e Mizipa ku luuyi olw'e buvandhuba. Baaja nga babalwanisa okutuusa lwe baabamalagho okubaita.

Yoshua 8:24

Abaisiraeli bwe baamala okwita abasaadha ab'omu Ayi boonaboona, abaali bali kubabingirira eyo mu irungu, baaja baita abo boonaboona abaali basigaire mu kibuga.