Yoshua 10:16 - Baibuli Ekibono kya Katonda 2014

¹⁶ Bakyabazinga Abamori abataanu baali nga balumwike, baaja beegisa mu mpuku e Makkeda.

Yoshua 10:16 ပူးပေါင်းရင်းမြစ်များ

Zabbuli 68:12

“Bakyabazinga n'amagye gaibwe balumuka era balumuka!” Abakazi abaasigala eka n'abaagabana omunhago

Zabbuli 68:13

ogw'enjiibwa edhiriku feeza, ng'amaghagha gaadho gamesunkana ni zaabu, waire ng'abakazi abo baasigala nga beegisiisa bwa mu bigo bya ntaama.

Amosi 9:2

Waire basima baatuuka e magombe, ndidha kubatuukaku mbatooleyo. Era waire baniina baatuuka mu igulu, ndidha kubaghanulayo.

Mika 7:17

Balyeghaluliza mu nkungu ng'oti misota, nga bava mu bifo byaibwe eby'okwewogomamu, baira ye iwe Musengwa Katonda waife, nga badhugumira olw'okutya einho.

Yoshua 10:15

Ebyo bwe byawa, Yoshua n'eigye lyonalyona erya Isiraeli bairayo e Giligali ye baali basimbye weema dhaibwe.

Yoshua 10:17

Ghaabaagho eyababona n'aidha n'akobera Yoshua ghe baali beegisiisa.

Yoshua 10:5

Agho bakyabazinga abo abataanu Abamori: owa Yerusalemu, owa Heburoni, owa Yaramuthi, owa Lakishi n'owa Eguloni, beesoloza, baata amagye gaibwe ghalala okwezungulula Gibeoni era baakirumba.

Okwolekebwa 6:15

Olwo bakyabazinga ab'oku nsi, n'abafuzi, n'abakulu b'abaisirukale, n'abakombe, n'ab'amaani, n'abantu boonaboona, abairu n'ab'eidembe, beegisa mu mpuku ni mu gabaale ag'oku nsozi.

Abalamuzi 6:2

Abamidia baasingira ghala Abaisiraeli amaani. Era olw'ekyo Abaisiraeli beesimira endungu edh'okwekwekamu mu nsozi, era beekwekanga mu mpuku ni mu bifo ebindi eby'okwewogomamu

1 Samueli 13:6

Abaisiraeli bwe baabona nga bali mu kabi, era ng'eigye lyaibwe balinhigiriiza, beegisa mu mpuku, mu biina, mu mabaale, mu magombe, ni mu nsulo edh'amaadhi.

1 Samueli 24:3

Agho Saulo yatuuka ku mpuku eyali okumpi n'ebisibo by'entaama ku ngira, yaingira omwo okweyamba. Mu kiseera ekyo, Daudi n'abasaadha be, baali batyaime mu bitundu eby'omunda einho eby'empuku eyo.

1 Samueli 24:8

Nga ghabiseeghooku akaseera, Daudi yeena yaafuluma mu mpuku, yaayeta Saulo ati: “Isebantu kyabazinga!” Saulo yaalinga einhuma. Daudi yaakuba amakiryaivu era yaakutama n'ekyeni kyatuuka ku itaka.