Yoshua 10:13 - Baibuli Ekibono kya Katonda 2014

¹³ Agho endhuba yaayemerera obutavaagho, n'omwezi gwasigala ghe gwali okutuusa Isiraeli bwe yamaliriza okubonereza abazigu be. Bino byaghandiikibwa mu kitabo kya Yashari. Endhuba yayemerera ghaigulu ku igulu, yaaloba kuvaagho olunaku lulamba.

Yoshua 10:13 ပူးပေါင်းရင်းမြစ်များ

2 Samueli 1:18

Yaalagira olwembo olwo balwegerese abantu b'omu Buyudaaya. Era bona, lwaghandiikibwa mu Kitabo kya Yashari. Olwembo olwo luja luti:

2 Bakyabazinga 20:10

Hezekia yairamu ati: “Kiba kyangu okuja emberi obuleeyi obw'ebigere eikumi. Aye kireke kiire einhuma obuleeyi obw'ebigere eikumi.”

Yobu 9:7

Alobera endhuba okuvaayo; yaaghemba ku muunienie dhaaloba kwaka.

Zabbuli 148:3

Iwe endhuba n'iwe omwezi mumusaake, mumusaake imwe emuunienie edhaaka mwenamwena.

Zabbuli 19:4

aye ate amamiro gaabyo gabitabita mu nsi yoonayoona, era kye bikoba kyatuukira irala ensi y'ekoma. Mu ebyo byene Katonda mwe yazimbira endhuba edhu yaayo.

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 38:8

Ekinsense ekijiira ku ngeri endhuba y'etambulamu, ekiri ku lupimo olw'amadaala kyabazinga Ahazi lwe yakola, Musengwa Katonda oyo aidha kukiizaayo einhuma obuleeyi bwa bigere ikumi.” Kale ekinsense ekyo kyairayo einhuma obuleeyi obwo obw'ebigere eikumi.

Yoeli 2:10

Bwe dhiba dhiidha, ensi yeesunda n'eigulu lyatengeeta. Endhuba n'omwezi biirugala, n'emuunienie dhaalekera okwaka.

Yoeli 2:31

Endhuba erifuuka nzikiiza, n'omwezi gwamyuka ng'oti musaayi, memale olunaku lwa Musengwa Katonda olukulu era olw'entiisa lwatuuka.

Yoeli 3:15

Endhuba n'omwezi biirugaire, n'emuunienie dhaalekera okwaka.

Habakkuku 3:11

Endhuba n'omwezi byayemerera, olw'obutangaavu obwavanga mu bulaso bwo nga buziinhuuka, n'olw'okumesunkana okw'eifumo lyo erimyansa.

Okubala 21:14

Mu kitabo ky'entalo dha Musengwa kyebava bakoba bati: “Ekibuga kya Wahebu ekiri mu biketezo bya Sufa, n'ebiiko by'oku mwiga Arunoni,

Okubala 31:2

“Mubonereze Abamidia nga mwesasuuza olw'ebyo bye baakola Abaisiraeli. Bw'onaamala okukola ekyo oidha kutwalibwa weeyimbe ku bantu bo abaafa.”

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Matayo 5:45

Memale olwo mube abaana ba Iseimwe ali mu igulu ayakiza endhuba ye abalungi n'ababi, n'agwikiza amaadhi ge abo abakolera ku mazima n'abatagakoleraku

Luka 18:7

Memale obwo Katonda bw'atalitawulula abalonde be abamusaba omusana n'obwire? Mbo bw'alirwa okubayamba?

Ebikolwa by'Abatume 2:20

Endhuba erizikira, Omwezi gwamyuka oti musaayi, memale olunaku lwa Musengwa olukulu era olw'ekitiisa lwatuuka.

Yoshua 10:11

Abamori bwe baali nga bali kulumuka Abaisiraeli, nga bagemye engira eyo ebita ku lusozi Bethi Horoni, Musengwa Katonda yaabasuulaku amabaale ag'omugozi amakologho nga gava mu igulu. Gaaja nga gabamagalikaku okutuukira irala e Azeka, era gaabaita. Abaafa amabaale ago baawula abo Abaisiraeli be baita n'empiima.

Yoshua 10:14

Einhuma ere yali tebangayooku lunaku luli ng'oti n'olwo, era kasookanga olwo lubita, kabiri tebangayooku luli ng'oti n'olwo Musengwa Katonda lwe yagondera ekibono eky'omuntu kuba ku olwo Musengwa Katonda yalwanirira Isiraeli.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

Okwolekebwa 6:10

Baayasiikana bati: “Wo Musengwa Aghanga Ebintu Byonabyona, omutukuvu era ow'amazima, olisalira li abantu ab'oku nsi omusango okubasinga, n'obeesasuulizaaku olw'okutwita?”

Okwolekebwa 6:12

Entaama Ento bwe yakakampula akamanhiso akomukaaga, naja okulinga nti nga mbona musisi ow'amaani, n'endhuba ng'eirugala ng'oti kisiriiza, n'omwezi gwonagwona nga gumyuka ng'oti musaayi.

Okwolekebwa 8:12

Malaika owokuna yafuuwa eigwala lye. Ekitundu kirala kirala ku buli bitundu bisatu eby'endhuba, n'ekitundu kirala kirala ku buli bitundu bisatu eby'omwezi, n'ekitundu kirala kirala ku buli bitundu bisatu eby'emuunienie byakubwa; olwo kyaba nti ekitundu kirala kirala ku buli bitundu bisatu eby'obutangaavu bwabyo kyafuuka nzikiiza. Ekitundu kirala kirala ku buli bitundu bisatu eby'olunaku, n'ekitundu kirala kirala ku buli bitundu bisatu eby'obwire, byaba nzikiiza.

Abalamuzi 16:28

Agho Samusoni yaasaba Musengwa Katonda ng'akoba ati: “Wo Musengwa Katonda wange, nkweghemba ondidhukire ompe amaani ku mukuzi guno gwonka. Olwo nsobole, mu kikolwa kino ekirala, okwesasuuliza ku Bafilisiti olw'okuntundulamu amaiso gange gombi.”

Abalamuzi 5:2

Musaake Musengwa Katonda, kuba abakulembeze mu Isiraeli baali bamalirivu okulwana, n'abantu beeghaayo ekyeyendere!