Yoshua 10:10 - Baibuli Ekibono kya Katonda 2014

¹⁰ Musengwa Katonda yaaleetera Abamori abo okutya einho nga baboine Abaisiraeli. Abaisiraeli baita inho Abamori abo e Gibeoni, era baababingirira nga bagemye engira ebita ku lusozi Bethi Horoni. Baaja nga babaita okutuukira irala e Azeka n'e Makkeda.

Yoshua 10:10 ပူးပေါင်းရင်းမြစ်များ

2 Samueli 22:15

Yaalasa obulaso bwe yaasansaania abazigu be, yaamyansa olukuba yaababingagho.

1 Bakyabazinga 9:17

Kale Solomoni yaakizimba buyaaka. Era yaakozesa abaakakibwanga okukola emirimo, yaazimba ni Bethi Horoni eky'Eifo,

2 Ebyomubyanda 14:12

Agho Musengwa Katonda yaaghangula Abaethiopia mu maiso ga Asa n'ag'Abayudaaya. Abaethiopia baalumuka.

2 Ebyomubyanda 25:13

Ebyo nga bikaali agho, abaisirukale Abaisiraeli Amazia be yaizaayo ng'abalobeire okuja naye mu lutalo, baaja baalumba ebibuga bya Buyudaaya, okuva e Samaria okutuuka e Bethi Horoni, baitamu abantu enkumi isatu (3,000) era baatwala n'omunhago mungi.

Zabbuli 18:14

Yaalasa obulaso bwe yaasansaania abazigu be; yaamyansa olukuba yaababingagho.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 68:14

Katonda Aghanga Ebintu Byonabyona bwe yasansaaniza bakyabazinga eyo, omugozi gwagwa ku lusozi Zalumoni.

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Isaia 28:21

Musengwa Katonda alisituka okulwana ng'oti bwe yakola ku lusozi Perazimu, era alisungughala ng'oti bwe yakola mu kiiko ky'e Gibeoni. Memale olwo yaakola omulimo gwe ogwo ogwewuunhisa ogutali gwabuliidho, era yaayoleka ebintu bye ebyo by'akola ebyewuninkiriza.

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Yeremia 34:7

Mu kiseera ekyo eigye lya kyabazinga w'e Babilonia lyali lirumbye ekibuga ekyo Yerusalemu, era nga lirumbye n'ebibuga Lakishi ni Azeka, ebyali nga ni byonka ebyali bikaasigairegho mu Buyudaaya ebyezungulwirwa ebimante ebigumu.

Zekaria 14:3

Agho Musengwa Katonda alimala yaalumba amaghanga ago, yaagalwanisa ng'oti bwe yalwana mu ntalo edhaabita.

Amateeka Agokubiri 7:23

Musengwa Katonda waimwe alita abazigu baimwe mu ngalo dhaimwe era yaabaleetamu okutya n'okudhugumira, okutuusa lwe balizikirizibwa.

Yoshua 10:11

Abamori bwe baali nga bali kulumuka Abaisiraeli, nga bagemye engira eyo ebita ku lusozi Bethi Horoni, Musengwa Katonda yaabasuulaku amabaale ag'omugozi amakologho nga gava mu igulu. Gaaja nga gabamagalikaku okutuukira irala e Azeka, era gaabaita. Abaafa amabaale ago baawula abo Abaisiraeli be baita n'empiima.

Yoshua 10:28

Era ku lunaku olwo, Yoshua yaagema ekibuga Makkeda, yaita kyabazinga waamu, n'abantu abaalimu boonaboona yaabazikiriza. Kye yakola kyabazinga ow'e Yeriko ni kyene ekyo kye yakola kyabazinga ow'e Makkeda.

Yoshua 10:9

Yoshua n'eigye lye baatambula obwire bwonabwona okuva e Giligali okutuuka e Gibeoni, era olwatuuka baazinduukiriza Abamori, baabagwaku nga tibeetegeike.

Yoshua 11:8

Musengwa Katonda yaagha Isiraeli obughanguzi, baabingirira abazigu baibwe baabalwanisa okubatuukiza irala mu kibuga Sidoni Ekikologho n'e Misirefothi Maimu ku luuyi olw'omukono omugooda ng'olingiriire e buvandhuba. Era baababingirira n'okubatuukiza irala mu kiiko eky'e Mizipa ku luuyi olw'e buvandhuba. Baaja nga babalwanisa okutuusa lwe baabamalagho okubaita.

Yoshua 12:16

Makkeda, Betheli,

Yoshua 15:35

Yaramuthi, Adullamu, Soko, Azeka,

Yoshua 15:41

Gederothi, Bethidagoni, Naama, ni Makkeda byonabyona nga n'ebibuga eikumi n'omukaaga n'ebyalo byaku.

Yoshua 16:3

Agho yaaja ng'eyolekera e bugwandhuba, ng'ebita mu kiketezo eky'Abayafuleti, yaabita ghansi gh'olusozi Bethi Horoni. Era yaava agho yaabita e Gezeri yaatuuka ku Nhandha Eyaghagati.

Yoshua 16:5

Ekiketezo eky'Abaefuraimu kyalinga n'ensalosalo ng'eva mu Atarothi Addari e buvandhuba, yaatuuka e Bethi Horoni eky'eitale,

Yoshua 21:22

Kibuzaimu, ni Bethi Horoni, aghalala n'ebiketezo ebibyezungulwire omuli eisubi ery'okwayirangamu.

Abalamuzi 4:15

Baraki bwe yalumba Sisera, Musengwa Katonda yaavuyavuya Sisera oyo ghalala n'ebigaali bye byonabyona eby'omu lutalo, n'eigye lye lyonalyona. Sisera yaava ku kigaali kye eky'omu lutalo, yaalumuka na bigere.

Abalamuzi 4:16

Baraki yaabingirira eigye lya Sisera ghalala n'ebigaali byalyo eby'omu lutalo okutuuka mu Haroshethi Hagoyiimu. Eigye eryo lyonalyona lyaitibwa. Ghaaloba kusigalagho muntu waire omulala.

Abalamuzi 5:20

Emuunienie dhaalwanira ku igulu, dhaalwanisa Sisera nga dhiri mu ngira dhaadho.

1 Samueli 13:18

Ekikunsu ekindi kyagema engira eja e Bethi Horoni. Ate ekikunsu ekindi kyagema engira eja ku nsalosalo eringiriire ekiiko ky'e Zeboimu, okwolekera eirungu.

1 Samueli 17:1

Agho Abafilisiti baasoloza amagye gaibwe, beetegeka okulwana olutalo. Beesololeza e Soko eky'omu Buyudaaya, era baasimba weema dhaibwe mu kifo ekyayetebwanga Efesi Dammimu, nga kiri ghagati gha Soko ni Azeka.