Yona 4:9 - Baibuli Ekibono kya Katonda 2014

⁹ Aye Katonda yaamubuuza ati: “Bwenebwene oli mutuufu okusungughala olw'ekimera ekifiire?” Yona yairamu ati: “Ndi mutuufu, era nsungughaire ekiimala, nhenda kufa.”

Yona 4:9 ပူးပေါင်းရင်းမြစ်များ

1 Bakyabazinga 21:4

Ahabu yairayo ewuwe nga yeenhiinkaire era nga musungughavu olw'ebibono Nabothi ow'e Yezireeli bye yamukoba ati: “Tiidha kukugha mugabo gwa nsikirano ogwagheebwa badhaadha bange.” Ahabu oyo yaalambaala ku buliri bwe, yaalinga n'ere, era yaaloba n'okulya emere.

Yobu 18:4

Iwe ali kwekulubula omubiri mu busungu wulira: Olowooza oti ensi enaafuuka oti irungu ku lulwo? Oba oti ensozi dhinaasiguukululwa mu kifo kyadho olw'okukusanhusa?

Yobu 36:18

Weegendereze olobe kuguyibwaguyibwa bya bukombe. Era enguzi erobe kukwonoona.

Yobu 5:2

Bwenebwene okweraliikirira kwita omusiru, n'ensaalwa eita azira magezi.

Yona 4:1

Kino kyaleetera Yona okusungughala ebitakobeka.

Yona 4:10

Musengwa Katonda yaamukoba ati: “Ekimera kino ky'oli kufaaku einho ti niiwe owakisimba, era ti niiwe owakikuza. Kyamera kyakula igulo irala, olunaku olwokubiri kyafaagho.

Yona 4:8

Endhuba bwe yavaayo akasana kaidha, Katonda yaatuma empewo ensu ng'eva ku luuyi olw'e buvandhuba, akasana kaayokya Yona mu mutwe kata azirike yeegomba okufa. Yaakoba ati: “Okufa kusinga okuba omulamu!”

Matayo 26:38

Agho yaabakoba ati: “Ndi n'enaku ku mwoyo eyenda kundhita. Imwe musigale ghano mumoge ghalala ninze.”

2 Ab'e Korintho 7:10

kuba okulumwa nga Katonda bw'ayenda, kuvaamu okwenenia omuva okulokolebwa, era tikubaamu kweidhusa. Aye okulumwa okw'ensi kuvaamu kufa.

Okwolekebwa 9:6

Era mu nnaku edho abantu balyagala okufa aye baaloba kukubona, balyegomba okufa aye okufa kwabeesamba.

Abalamuzi 16:16

Delila oyo yaamudeebanga buli lunaku ng'amubuuza, okutuusa Samusoni lwe yeesinwa ekibitiriire.