Yona 3:9 - Baibuli Ekibono kya Katonda 2014

⁹ Tomanha, oba katyo Katonda asobola okukyusa ekirowoozo kye, yaalekera okusungughala ekibitiriire, yaaloba kutuzikiriza.’ ”

Yona 3:9 ပူးပေါင်းရင်းမြစ်များ

2 Samueli 12:22

Yaabakoba ati: “Kituufu, omwana bweyali ng'akaali mulamu, nasiiba era naalira nga nkoba mule nti, ‘Tomanha, oba katyo Musengwa Katonda aidha kungemerwa ekivunika, omwana alobe kufa?’

Zabbuli 106:45

Ku lwaibwe yaidhukira endagaano ye era yaabairiramu olw'okugonza kwe okutakoma.

Zabbuli 85:3

Walekera okubabaaku ekiruyi, waalekera okubasungughalira n'obusungu obungi.

Zabbuli 90:13

Wo Musengwa Katonda, oja kusungughala kutuusa li? Twiriremu ife abagheereza bo otusaasire.

Yeremia 26:13

Kale ni mulongoose empisa dhaimwe n'ebikolwa byaimwe, era mugonderenga Musengwa Katonda waimwe. Olwo Musengwa Katonda oyo aidha kukyusa ekirowoozo kye, alobe kubakolaku kabi nga bw'abaire ategeike okukola.

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Yona 1:15

Agho batoola Yona baamusuula mu nhandha, enhandha yaalaala.

Yona 1:6

Omukulu w'eryato yaaja y'ali yaamukaabukira ati: “Osobola otya okuba ng'oli kutenduka butenduke? Situka, osabe omusambwa gwo! Katyo gwakatusaasira twaloba kuzikirira.”

Yona 4:2

Agho yaakoba ati: “Wo Musengwa Katonda, bino ti bye nakoba nga nkaali mu nsi yange? Nze namanha ng'oli wa kivunika era asaasira einho. Ogonza inho abantu obutalekera era obaguminkiriza buliidho oli mwetegefu okukyusa ebidhuubo byo waaloba kubabonereza. Era kyova obona nali numukiire e Tarushishi.

Zefania 2:3

Imwe abantu ab'ensi eno abeesigwa eri Musengwa Katonda era abagondera ebiragiro bye, mukole ebyo ebituufu era muteekuluntaza mu maiso ga Musengwa Katonda. Oba katyo mwakawona ekibonerezo ku lunaku Musengwa Katonda lw'aja okulagiraku obusungu bwe.

1 Samueli 6:5

Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.