Yona 3:10 - Baibuli Ekibono kya Katonda 2014

¹⁰ Katonda bwe yabona bino bye baakola, ni balekayo ebikolwa byaibwe ebibi, yaakyusa ekidhuubo kye, yaaloba kubazikiriza nga bwe yali akobye.

Yona 3:10 ပူးပေါင်းရင်းမြစ်များ

1 Ebyomubyanda 21:15

Agho Katonda oyo yaatuma malaika e Yerusalemu okukizikiriza. Aye Malaika oyo bwe yagolola omukono gwe okukizikiriza, Musengwa Katonda oyo yaakyusa ekirowoozo kye eky'okukola akabi. Kale yaakoba oyo azikiriza ati: “Ekyo kinaamala. Lekera agho!” Agho malaika yali atuuse mu kifo aghakubirwa engaano ekya Orunani Omuyebusi.

Okuvaayo 32:14

Kale Musengwa Katonda yaakyusa ekidhuubo kye, yaaleka kubazikiriza nga bweyali abeesoomeire.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Yeremia 18:7

Bwe nkoba nti nja kwiwululagho, mmenhegho era nzikirize eighanga oba obwakyabazinga,

Yeremia 18:8

aye eighanga eryo ni likyuka okuva mu bibi byalyo, olwo mba tiikole ekyo kye mbaire nsazeegho okukola.

Yeremia 36:3

Oba katyo abantu b'omu Buyudaaya bwe baliwulira ku kuzikirira okwo kwonakwona kwe ndi kutegeka okubasindikira, balikyuka baava mu mpisa dhaibwe embi. Olwo naabasonigha olw'obubi bwaibwe n'ebibi bye bakola.”

Yeremia 42:10

‘Bwe muliganha okubanga mu nsi eno, ndibazimba mu kifo ky'okubasansula, era naabasimba mu kifo ky'okubaiwululagho kuba nnakughaire inho olw'akabi ke nabatuusaaku.

Yoeli 2:13

Mutakanulamu bivaalo byaimwe okwoleka nga bwe munakughaire, aye mwemenhe mu myoyo gyaimwe, ekyo n'ekibe kyoleke okwenenia kwaimwe.” Kale ni mwire ye Musengwa Katonda waimwe, kuba wa kivunika era asaasira inho. Agonza inho abantu obutalekera era yaabaguminkiriza. Buliidho aba mwetegefu okukyusa ebirowoozo bye, yaaloba kubabonereza.

Amosi 7:3

Musengwa Katonda yaakyusa ekidhuubo kye. Yaakoba ati: “Kale, ky'oboine tikiidha kubaagho.”

Amosi 7:6

Musengwa Katonda yaakyusa ekidhuubo kye. Yaakoba ati: “Kale, ekyo ky'oboine kyona tikiidha kubaagho.”

Yona 4:11

Memale nze tigwaine kufaayo ku Nineve, ekibuga ekikologho ekyo, ekirimu abaana abaziraku musango abaswika mu mitwalo eikumi n'ebiri (120,000), era nga kirimu n'ensolo kamaala?”

Yona 4:2

Agho yaakoba ati: “Wo Musengwa Katonda, bino ti bye nakoba nga nkaali mu nsi yange? Nze namanha ng'oli wa kivunika era asaasira einho. Ogonza inho abantu obutalekera era obaguminkiriza buliidho oli mwetegefu okukyusa ebidhuubo byo waaloba kubabonereza. Era kyova obona nali numukiire e Tarushishi.

Luka 11:32

Abantu ab'e Nineve balisituka n'abantu ab'oluse luno ku lunaku olw'okusalirwaku omusango baagubasalira kuba beene beenenia bwe baawulira okulamba kwa Yona aye ate mubone: ali ghano n'asinga Yona.”

Luka 15:20

“Agho yeesitula yaaja ye ise. Aye yali akaali ghalaku, ise yaamulengera era yaamugemerwa enaku yaamulumuukirira, yaamugwa mu kifuba, yaamunhwegera.