Yona 2:9 - Baibuli Ekibono kya Katonda 2014

⁹ Aye nze ndidha kukwembera enhembo edhikusaaka, nkugheereze omusengo era ntuukirize ebyo bye neeyama. Ghazira wundi alokola okutoolaku Musengwa Katonda.”

Yona 2:9 ပူးပေါင်းရင်းမြစ်များ

Amainhama 35:3

Mukole tuje e Betheli, eyo ye nja okuzimbira Katonda alutaari, kuba yawuliranga okusaba kwange yantoola mu buzibu, era yaabanga ghalala ninze kiisi ghe najanga.”

2 Samueli 15:7

Bwe ghaabitagho emyaka ena, Abusalomu yaakoba kyabazinga Daudi ati: “Nkweghemba ondhikirize nje e Heburoni ntuukirize obweyamo bwange bwe neeyama eri Musengwa Katonda.

Yobu 22:27

Aidha kukuwuliranga ng'oli ni ky'omusaba, era oidha kutuukirizanga ky'onaabanga weeyamye okukola.

Zabbuli 107:22

Era bagwainenga bagheeyo emisengo olw'okumwebaza, bembenga n'enhembo edh'eisanhu edhoogera ku by'abakolera.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 3:8

Okuwonezebwa kuva eri iwe, Musengwa Katonda. Enkabi dho dhibe ku bantu bo.

Zabbuli 50:14

Omusengo gwaimwe ka gubenga okunsiima nze Katonda, era mutuukirizenga bye mweyama eri nze Ali Ghaigulu Yeene.

Zabbuli 50:23

Ole bw'asiima, aba aghaireyo omusengo ogumpeesa ekitiisa, era nja kulokola oyo atambulira mu ngira entuufu.”

Zabbuli 68:20

Katonda waife ni Katonda alokola, era Katonda waife ni Musengwa Katonda waife atuwonia okufa.

Zabbuli 95:2

Ka tuje y'ali tumusiime tumukubire emizira nga twemba n'enhembo edh'okumusaaka;

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Yoanne 4:22

Imwe musinza kye mutaidhi aye ife tusinza kye twidhi, kuba obulokozi buva mu Buyudaaya.

Ebikolwa by'Abatume 4:12

Okulokolebwa kufunirwa mu oyo yenka, ghazira wundi asobola kulokolerwamu, kuba naire mu maina agagheebwa abantu ghansi gh'eigulu, ghazira lye tusobola kulokolerwamu.”

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Amateeka Agokubiri 23:18

Empiiya edhifuniibwa omukazi oba omusaadha mu bwamalaaya, mutadhireetanga mu ndhu ya Musengwa Katonda waimwe okutuukiriza bye mweyama, kuba Musengwa Katonda waimwe yeenhinhata obwamalaaya.

Abaheburayi 13:15

Kale buliidho tughenga Katonda omusengo ogw'okumusaaka nga tubita mu Yesu, nga twatula eriina lye n'eminwa gyaife.

Okwolekebwa 7:10

Baayasiikana bati: “Twalokolebwa Katonda waife atyaime ku kityamo eky'obwakyabazinga, era n'Entaama Ento!”

1 Samueli 12:21

Era mutadaaliimanga ni mujiira ku bintu ebiziramu muganhulo, ebitaghanga kugasa waire okuwonia omuntu, kuba biziramu muganhulo.