Yona 2:10 - Baibuli Ekibono kya Katonda 2014

¹⁰ Agho Musengwa Katonda yaalagira ekyenhandha kyasesema Yona ku bukalu.

Yona 2:10 ပူးပေါင်းရင်းမြစ်များ

Amainhama 1:11

Agho Katonda yaakoba ati: “Ensi eidheku ebimera ebya buli nsambo: ebyo ebitaaku ensigo, n'emiti egitaaku ebibala omuli ensigo dhaagyo.” Era kyaba kityo.

Amainhama 1:14

Agho Katonda yaakoba ati: “Ghabeegho ebyaka ku igulu, okwawulagho omusana n'obwire bibenga obumanhiso obw'ebiseera, obw'enaku, n'obw'emyaka,

Amainhama 1:3

Agho Katonda yaakoba ati: “Ghabeegho obutangaavu,” Era obutangaavu bwabaagho.

Amainhama 1:7

Katonda yaataagho ekyawulamu amaadhi agali ghaigulu n'ago agali ghansi.

Amainhama 1:9

Agho Katonda yaakoba ati: “Amaadhi agali ghansi gh'eigulu geesololeze ghalala, olwo obukalu buboneke.” Era kyaba kityo.

Zabbuli 105:31

Yalagira ebikuukuulu by'ensowera n'obudhuuni byabunia ensi yaibwe.

Zabbuli 105:34

Yalagira enzige dhaidha kamaala, nga n'okubalika tidhibalika,

Zabbuli 22:26

Abaavu balirya baiguta; abo abanoonia Musengwa Katonda balimusaaka! Mbendeza mubenga bwera ebyanda n'ebyanda!

Zabbuli 33:9

kuba yayogera bwogere ensi yaabaagho, yaalagira bulagire buli kintu kyabaagho.

Isaia 38:20

Wo Musengwa Katonda, ondokoire. Kale ni twidha kukwemberanga mu bulamu bwaife bwonabwona, nga bwe tukuba entongooli n'endingidi mu isinzizo lyo.”

Isaia 43:11

Nze zenka, ninze Musengwa Katonda, era nze zenka, ninze omulokozi waimwe.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Hosea 14:3

Ensi Assiria tesobola kutuwonia, n'embalaasi edh'omu lutalo tidhiidha kutuyamba. Era tituliirayo kabiri kweta ebintu bye twekolera n'engalo dhaife, tuti, ‘Katonda waife’; kuba iwe ogemerwa ekisa abo abaziraku babayamba.”

Yona 1:17

Aye Musengwa Katonda yaataagho ekyenhandha ekikologho kyamira Yona, yaaba munda omw'ekyenhandha ekyo okumala enaku isatu, omusana n'obwire.

Yona 3:1

Agho Musengwa Katonda yaakoba Yona omukuzi ogwokubiri ati: