Yona 1:9 - Baibuli Ekibono kya Katonda 2014

⁹ Yaabairamu ati: “Nze ndi Muheburayi. Nsinza Musengwa Katonda, Katonda ow'eigulu, eyakola enhandha n'obukalu.”

Yona 1:9 ပူးပေါင်းရင်းမြစ်များ

Amainhama 1:10

Obukalu obwo Katonda yaabweta Ensi, ate amaadhi agaali geesoloiza yageeta Enhandha. Katonda yaakibona nga kikalamu.

Amainhama 14:13

Aye omuntu eyawonagho yaidha yaakobera byonabyona Aburamu, Omuheburayi eyali ng'aba kumpi n'emiti gya Mamure Omuamori. Mamure ono ni baganda be, Esikoli ni Aneri, baali ba mukago n'Aburamu.

Amainhama 24:7

Musengwa Katonda ow'eigulu yantoola mu ndhu ya lata, ni mu nsi ye nazaalibwamu, era yaayogera ninze, yandayirira ati aligha baidhukulu bange ensi eno. Oyo alituma malaika we yaakukulemberamu, osobole okufunira omwana wange omukazi okuva eyo.

Amainhama 39:14

yaayeta abagheereza ab'omu ndhu ye, yaabakoba ati: “Mubone, baze yaleeta muno Omuheburayi okutudhooga. Aingiire ye mbaire, ng'ayenda okunkaka okuba naye, aye nze naakuba inho enduulu.

2 Bakyabazinga 17:25

Bwe baali nga baakatoolera okubaayo, tibaasinzanga Musengwa Katonda. N'olw'ekyo Musengwa Katonda oyo kyeyava n'abasindikira empologoma ni dhibaitamu abandi.

2 Bakyabazinga 17:28

Agho owundi ku bakabona be baatoola mu Samaria, yaaja yaabanga e Betheli, yaabeegeresanga bwe bagwaine okutyanga Musengwa Katonda.

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Ezera 5:11

“Baatwiramu bati, ‘Ife tuli bagheereza ba Katonda ow'eigulu n'ensi. Tuli kuzimba buyaaka eisinzizo kyabazinga wa Isiraeli eyali omukologho lye yazimba n'alimaliriza, buti ghabiseegho emyaka kamaala.

Nehemia 1:4

Bwe nawulira ebyo byonabyona naatyama ghansi, naalira amaziga. Naamala enaku nga ndi kulira obughafu, naasiiba era naasaba Katonda ow'eigulu,

Nehemia 2:4

Kyabazinga yambuuza ati: “Buti oli kunsaba nkukolere ki?” Agho naasooka naasaba Katonda ow'eigulu,

Nehemia 9:6

Ezera yaakoba ati: “Wo Musengwa Katonda, niiwe wenka eyatonda eigulu, n'ebiri ghaigulu mu ibbanga byonabyona. Niiwe eyatonda ensi n'ebigirimu byonabyona. Waatonda n'enhandha n'ebigirimu byonabyona, era byonabyona waabigha obulamu. Ebiri mu igulu byonabyona bikusinza.

Yobu 1:9

Agho Sitaani yairamu Musengwa Katonda ati: “Olowooza Yobu akutiira bwereere?

Zabbuli 136:26

Musiime Katonda ow'eigulu; okugonza kwe tikukoma, kubaagho byanda na byanda.

Okuvaayo 1:15

Agho kyabazinga ow'e Misiri yaalagira Shifura era ni Pua abaali abazaalisa ab'abakazi Abaheburayi.

Okuvaayo 2:13

Bwe yafuluma kabiri olunaku olwairirira, yaja okubona ng'ayagaana Abaheburayi babiri bali kulwana. Kyeyava n'abuuza ole eyali ali kufufunkiriza mwine ati: “Kale lwaki okuba Omuheburayi mwino?”

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Ebikolwa by'Abatume 14:15

“Basaadha imwe, lwaki mukola ebyo? Twena tuli bantu buntu nga imwe. Tubaleeteire Amawulire Amalungi, musobole okuleka ebyo ebitaganhula, mwire ye Katonda omulamu eyakola eigulu, n'ensi, n'enhandha ni byonabyona ebibirimu.

Ebikolwa by'Abatume 27:23

kuba obwire obwabise malaika wa Katonda wange ye mpeereza yayemereire ghe ndi

Ab'e Filippi 3:5

kuba nze nakeketebwa nga naakamala enaku munaana. Ndi Muisiraeli, ndi mu kika kya Benjamini Omuheburayi mwene. Mu kugema amateeka ndi Mufarisaayo.

Okwolekebwa 11:13

Mu kaseera ako keene, ghaabaagho musisi ow'amaani. Ekitundu kirala ku bitundu eikumi eby'ekibuga kyazikirira, n'abantu kasanvu (7,000) baafiira mu musisi oyo. Abantu abaawonagho baatya inho, era baasaaka ekitiisa kya Katonda ow'eigulu.

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

Okwolekebwa 16:11

baavuma Katonda ow'eigulu olw'okubaleetera obulumi n'amabwa era baaloba kwenenia ebyo bye baakolanga.