Yona 1:5 - Baibuli Ekibono kya Katonda 2014

⁵ Olw'okutya okunene, abavuzi b'eryato baalira, buli muntu yaayeta omusambwa gwe. Baatoola ebintu ebyali mu lyato baabisuula mu nhandha olw'okuwewula ku lyato. Aye Yona yali aserengeite mu kisenge ekya ghansi eky'omu lyato, era ng'atendwike endoolo enhingi einho.

Yona 1:5 ပူးပေါင်းရင်းမြစ်များ

1 Bakyabazinga 18:26

Abalanzi ba Baali baatwala ente ye baabagha, baagitegeka. Agho baayeta omusambwa baali okuva ku nkyo okutuuka mu kasana ghagati, nga bakoba bati: “Wo Baali, wulira otwiremu.” Aye ghaaloba kubaagho mamiro gawulikika, waire okubaagho airamu. Baatuumiratuumira gh'alutaari ye baazimba.

Yobu 2:4

Agho Sitaani yairamu Musengwa Katonda ati: “Ekigema ku mubiri gw'omuntu, n'ekimulumya. Omuntu aghaayo by'ali nabyo byonabyona olw'obulamu bwe.

Zabbuli 107:25

kuba yalagira empewo ey'amaani, yaaleetera enhandha okwefuukuula einho.

Zabbuli 148:8

N'imwe omuliro, omugozi, omuzira, n'olufu era n'empewo ya kiwunga ejiira ku biragiro bye, mumusaake.

Omulangirizi 3:6

Ekiseera eky'okufuna, n'ekiseera eky'okufiirwa. Ekiseera eky'okukuuma ekintu, n'ekiseera eky'okukisuula ere.

Isaia 45:20

Musengwa Katonda akoba ati: “Mwidhe mwesolokeze ghalala, museete imwe abaawonagho mu maghanga. Abantu abo abaja nga bagemereire ebisinzibwa ebitali Katonda ebyakolebwa mu biti obuti, era ni basaba katonda atasobola kubalokola, baziramu magezi naire.

Yeremia 2:28

“Mpegaano emisambwa gyaimwe gye mwekolera giri gha? Kale ka gisituke gibalokole mu biseera ebizibu, bwe giba nga gisobola. Imwe abantu b'omu Buyudaaya, muli n'emisambwa egyagayaga n'ebibuga byaimwe obungi.

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!

Yona 1:14

Agho baasaba Musengwa Katonda bati: “Tukweghembye Musengwa Katonda, otatuzikiriza ng'otulanga okwita musaadha ono. Niiwe mwene oleese kiwunga ono nga mwene bw'oyenze.”

Yona 1:16

Abasaadha baatya Musengwa Katonda ekibitiriire. Baamugha omusengo era beeyama.

Yona 1:6

Omukulu w'eryato yaaja y'ali yaamukaabukira ati: “Osobola otya okuba ng'oli kutenduka butenduke? Situka, osabe omusambwa gwo! Katyo gwakatusaasira twaloba kuzikirira.”

Matayo 25:5

Abayiiza bwe yalwagho okutuuka, boonaboona baawongera era baatenduka.

Matayo 26:43

Yaira kabiri, yaabaagaana nga batendwike, kuba amaiso gaibwe gaali gazitoighe.

Matayo 26:45

Agho yaaja eri Abeegeresebwa yaabakoba ati: “Imwe buti mutenduke era muwuumule. Biwoire. Esaawa etuuse, era Omwana w'Omuntu aja kugheebwayo mu mikono egy'aboonooni.

Ebikolwa by'Abatume 27:38

Nga bamaze boonaboona okulya ni baiguta, baakendeeza ku buzito mu lyato nga basuula engaano mu nhandha.

Abalamuzi 16:19

Delila yaatenduukiriza Samusoni ng'amuleze ku mubiri, era yaayeta omusaadha yaasala emiganda omusanvu egy'enviiri dha Samusoni. Agho Delila yaatoolera okumudaazadaaza, amaani gaamuvaamu.

1 Samueli 24:3

Agho Saulo yatuuka ku mpuku eyali okumpi n'ebisibo by'entaama ku ngira, yaingira omwo okweyamba. Mu kiseera ekyo, Daudi n'abasaadha be, baali batyaime mu bitundu eby'omunda einho eby'empuku eyo.